09.09.2026 | 21:52
ՌԴ-ն ու Թուրքիան քննարկել են Հարավային Կովկասում իրավիճակը
Կառավարությունը ցնծության մեջ է. իսկ որտե՞ղ են խոստացած թվերը. «Ժողովուրդ»
27.01.2018 | 08:47
«Ժողովուրդ» օրաթերթը գրում է.
«Երկու օր է՝ կառավարությունը ցնծության մեջ է. ոգեւորված են 2017թ. սոցիալ-տնտեսական ամփոփ ցուցանիշներով: 7.7 տոկոս աճել է տնտեսական ակտիվության ցուցանիշը, 12.6 տոկոս` արդյունաբերությունը, անգամ 2.2 տոկոսով ավելացել են շինարարության ծավալները: Կառավարությանը ոգեւորել են նաեւ արտաքին առեւտրաշրջանառության ոլորտի ցուցանիշները. այստեղ աճը 26.9 տոկոս է, ընդ որում` 25.2 տոկոս աճել են արտահանման, 27.8 տոկոս` ներմուծման ծավալները:
Բայց նկատենք, որ բացարձակ թվերով ներկրման ծավալները մոտ երկու անգամ գերազանցում են արտահանման ցուցանիշներին, արդյունքում` արտաքին առեւտրաշրջանառության մեջ բացասական հաշվեկշիռը, միեւնույն է, շարունակում է խորանալ:
«Ժողովուրդ» օրաթերթը տեղեկացավ, որ 2017թ. ընթացքում արտահանվել է 2.2 մլրդ դոլարի արտադրանք եւ ներկրվել 4.1 մլրդ դոլարի ապրանք: Ասել է, թե արտաքին առեւտրաշրջանառության բացասական հաշվեկշիռը 1 մլրդ 939.8 մլն դոլար է: Մինչդեռ, հիշեցնենք, կառավարությունն իր ծրագրում խոստացել էր արտահանելի տնտեսություն ունենալ»:
Առավել մանրամասն`թերթի այսօրվա համարում:
