19.03.2026 | 10:19
Չեմպիոնների լիգա․ «Բարսելոնան» խփել է 7 գոլ, հայտնի են 1/4 եզրափակիչի զույգերը․ ՏԵՍԱՆՅՈՒԹ
Թուրքիայի ԶՈՒ կորուստները «Ձիթենու ճյուղ» օպերացիայում. պաշտոնական տվյալներ
Քաղաքականություն
26.01.2018 | 18:33
Թուրքիայի առողջապահության նախարար Ահմեթ Դամիրջանը որոշ վիճակագրական տվյալներ է ներկայացրել հունվարի 20-ին Սիրիայում քրդերի դեմ սկսված «Ձիթենու ճյուղ» ռազմական գործողության մասին. տեղեկացնում է EH-ն:
Ըստ թուրքական «Haberler» լրատվամիջոցի՝ Դեմիրջանը հայտարարել է, որ մինչև հիմա «Ձիթենու ճյուղ» գործողության ժամանակ Թուրքիայի զինուժը կորցրել է 3 զինվոր, 11 հոգի էլ սպանվել է «Սիրիայի ազատ բանակ» խմբավորումից, որի հետ համատեղ է իրականացվում է գործողությունը:
Թուրքիայի բանակը ունի 130 վիրավոր, որից 82-ը արդեն դուրս են գրվել հիվանդանոցներից:
Թուրք պաշտոնյան նաև տվյալներ է ներկայացրել թուրք զինյալների կորուստների մասին: Ըստ այդմ՝ ոչնչացվել է քուրդ զինյալներին պատկանող 23 հենակետ, սպանվել 343 քուրդ զինյալ:
Հիշեցնենք, որ պաշտոնական Անկարայի աջակցությունը վայելող «Սիրիայի ազատ բանակ» խմբավորումը հունվարի 20-ին Թուրքիայի օդուժի աջակցությամբ ներխուժել է Սիրիայի քրդերի վերահսկողության տակ գտնվող սիրիական Աֆրին շրջան։ «Ձիթենու ճյուղ» անվանումով ռազմական գործողության վերջնական նպատակն է Սիրիայի քրդերից վերցնել Թուրքիայի հետ սահմանին ընկած 30կմ խորությամբ հատվածը և այնտեղ հիմնել անվտանգության գոտի։
