15.12.2024 | 21:00
Այսօր երիտասարդներն ավելի ինքնուրույն են, բայց պակաս տեղեկացված. ապաքաղաքական զրույց Անուշ Ասլիբեկյանի հետ․ ՏԵՍԱՆՅՈՒԹ
Ստատուս-քվոն ԼՂ հակամարտության հարցում չի կարող շարունակվել, ԵԱՀԿ ՄԽ-ն կարգավորման համար պայմաններ է ստեղծում․ Շարպանտիե
Քաղաքականություն
01.06.2017 | 14:02
Ստատուս-քվոն ԼՂ հակամարտության հարցում չի կարող շարունակվել․ այս մասին լրագրողների հետ զրույցում ասել է Հայաստանում Ֆրանսիայի դեսպան Ժան-Ֆրանսուա Շարպանտիեն։
«Իսկապես պետք է անել ամեն ինչ՝ երկու կողմերի համար ընդունելի լուծում գտնելու համար, որը հիմնված կլինի երեք հայտնի սկզբունքների վրա։ Թե՛ մարդկային, թե՛ քաղաքական տեսանկյունից անհնար է մշտապես ապրել հրադադարի ռեժիմի խախտման և սպառնալիքի պայմաններում։ Ստատուս-քվոն չի կարող շարունակվել»,- ընդգծել է դեսպանը։
Ապա միտքը շարունակելով դեսպանը նշել է, որ հակամարտությունը պետք է կարգավորվի խաղաղ ճանապարհով, սակայն ԵԱՀԿ Մինսկի խումբը ոչ թե լուծում է խնդիրը, այլ միայն պայմաններ է ստեղծում կարգավորման համար, իսկ որոշումներ կայացնելու իրավունքը հակամարտող կողմերինն է։
Իսկ հարցին՝ ինչո՞ւ ՄԽ հայտարարությունները մինչ այս ավելի հասցեական չեն եղել, ֆրանսիացի դիվանագետը նշել է. «Վերջին հայտարարությունն անհամեմատ ավելի հստակ է, թիրախավորված է, քան նախորդները, բայց դրանք ևս հասցեական են եղել. դրանք հնարավոր է եղել կարդալ տողատակերում»:
