08.10.2026 | 11:33
Դատախազությունը պահանջում է ազատել Աբովյան 8/1-ի անշարժ գույքը ընկերության ապօրինի տիրապետումից
Նոր թրենդ է․ քաղաքական գործիչները գնում են Չիտա, ասում են՝ Կրեմլ ենք գնացել,Պուտինից «դաբրո» ենք բերել․ Արման Բաբաջանյան. ՏԵՍԱՆՅՈՒԹ
Քաղաքականություն
09.02.2021 | 17:31
Հայաստանում բացվել է Ռուսաստանին ճորտատիրական ծառայությունների մատուցման նոր «համերգաշրջանը»: Հայաստանի և Ռուսաստանի խորը ինտեգրացիայի մասին են խոսում ՀՀ նախագահի պաշտոնը զբաղեցրած Ռոբերտ Քոչարյանը և բոլոր նրանք, ովքեր տարիներ ի վեր բացառապես զբաղված են եղել Հայաստանի անկախությունն ու արժանապատվությունը ծախելով։ Այսօր խորհրդարանում հայտարարությունների ժամին այս մասին ասաց ԱԺ պատգամավոր Արման Բաբաջանյանը՝ անդրադառնալով Հայաստանի և Ռուսաստանի խորը ինտեգրացիայի մասին վերջերս նախկին բարձրաստիճան պաշտոնյաների կողմից հաճախ հնչող արտահայտություններին:
«Հիմա էլ նոր թրենդ է՝ տարբեր քաղաքական գործիչներ Ռուսաստանի տոմս են առնում, գնում են Չիտա, Սիկտիվկար ու գալիս, ժողովրդին խաբում, ասում են՝ Կրեմլ ենք գնացել, Պուտինից «դաբրո» ենք բերել, գալիս ենք իշխանությունը վերցնենք: Մեզ միայն մի տոմս պետք է հետաքրքրի ու մտահոգի, դա մեր երազանքի տոմսն է դեպի Հայաստան»,- նշեց պատգամավորը:
Բաբաջանյանը տեղի ունեցածը պատահական չի համարում. «Կեղտի տակից դուրս են եկել բոլոր նրանք, որոնց համար 22 տարի առաջ հոկտեմբերի 27-ին ԱԺ-ում կատարվածը հնարավորություն էր. թիրախը մեր պետականությունն ու ինքնիշխանությունն է: Ու այս մարդակերները չգիտեն, որ մենք այլևս նախկինը չենք։ Մեզ սպանելով գուցե թե հնարավոր է թուլացնել, խեղճացնել, բայց սպանել Հայաստանի արժանապատվությունը հնարավոր չէ, սպանել Հայաստանի պետականությունն անկարելի է»:
Մանրամասները՝ տեսանյութում:
