30.06.2026 | 22:58
ԱԱ-2026. Հոլանդի գոլը Նորվեգիային դուրս բերեց 1/8 եզրափակիչ. ՏԵՍԱՆՅՈՒԹ
ԲԴԽ նախագահին զգուշացրեք՝ ոչ մի ալիբի չի փրկելու պատասխանատվությունից․ Արման Բաբաջանյան. ՏԵՍԱՆՅՈՒԹ
Քաղաքականություն
09.02.2021 | 16:19
Եթե ցանկանում ենք, որ պետությունն արդյունավետ կերպով կարողանա գոյություն ունենալ, զարգանալ, պետք է ունենանք կենսունակ, արդար դատական համակարգ: Այս մասին ԱԺ-ում Վճռաբեկ դատարանի նախագահի թեկնածուի հարցի քննարկման ժամանակ ասաց անկախ պատգամավոր Արման Բաբաջանյանը:
Նա նշեց, որ ԲԴԽ-ի կողմից առաջադրված Լիլիթ Թադևոսյանի թեկնածության վերաբերյալ բազմաթիվ դրական կարծիքներ է լսել, բայց ուզում է իմանալ՝ քանի՞ հատուկ կարծիք է ունեցել։ «Եթե մի քանի կարծիք, ապա դա նշանակո՞ւմ է, որ մյուս հարցերով համաձայն եք եղել այն գորշ զանգվածի հետ, որն ապականել է արդարադատությունը մեր երկրում: Եթե համաձայն չեք եղել, ո՞րն է գրավականը, որ ընտրվելուց հետո կսկսեք արտահայտվել, և եթե պատրաստ եք, ինչո՞ւ այստեղ չխոսել արատավոր երևույթների մասին»,- նշեց Բաբաջանյանը:
«ԲԴԽ նախագահին զգուշացրեք, որ ոչ մի ալիբի, որ նա կվկայաբերի այսպիսի հանրային միջոցառումներին չներկայանալու համար, չի փրկելու այն պատասխանատվությունից, որ նա կրում է իր քաղաքական գործունեության համար։ Նրա առնչությունները տարբեր քաղաքական խմբակներին մեզ շատ քաջ հայտնի են: Ես առիթը բաց չեմ թողնելու՝ բարձրաձայնելու նրա հանցավոր դերակատարությունը դատական համակարգում»,- ասաց պատգամավորը:
«Եթե մենք ցանկանում ենք, որ պետությունն արդյունավետ կերպով կարողանա գոյություն ունենալ, զարգանալ, պետք է ունենա կենսունակ, արդար դատական համակարգ: Դրա փոխարեն ի՞նչ ունենք մենք. վերից վար կոռումպացված, իրենց խղճի դեմ գործարքի գնացած, մեր երկրի հարյուր հազարավոր քաղաքացիների տառապանքների հաշվին հարստացած, քաղաքական պատվերներ կատարող, այդ թվում՝ Վճռաբեկ դատարանի դատավորներ: 2020թ. նոյեմբերի 15-ին՝ Կառավարության և Ազգային ժողովի շենքերը գրոհած ջարդարարների կողմից գործողություններից օրեր անց, Բարձրագույն դատական խորհրդի նախագահը քաղաքական հայտարարություն, մարտակոչ ուղղեց դատական համակարգին, դատավորներին՝ հրահանգելով ցույց տալ, որ իրենք «վնգստացող դատավորներ» չեն: Կարող ենք պնդել, որ ԲԴԽ-ն ոչ միայն իր ֆունկցիան բավարար և արդյունավետ չի կատարում, այլև ակնհայտ քաղաքական դիրքավորում է զբաղեցնում: Սա կարելի է պնդել նրանից, որ որևէ սթափեցնող, սառեցնող և հակակշռող հայտարարություն այս հայտարարությանը Բարձրագույն դատական խորհրդի և ոչ մի անդամի կողմից չի հնչեցվել: Երբ դատական իշխանությունը կամ այդ համակարգի կառույցներից մեկի ղեկավարը նման քաղաքական հայտարարություն է անում և ձեռնոց նետում, նա փլուզում և քանդում է պետականության բոլոր հիմքերը: Այսպիսի հայտարարության առկայությունն իսկ վկայում է, որ մենք չունենք այլևս պետական իշխանության ինստիտուտներ. հենց այստեղ ավարտվում է պետությունը: ԲԴԽ նախագահի այդ հայտարարությանը հաջորդեց Հայաստանի պատմության ընթացքում մեկ տասնյակի շրջանակում տեղավորվող ծանրագույն հանցագործություններով մեղադրանքների, կալանքների միջնորդությունների չբավարարումը՝ ցույց տալով, որ արդարադատության իրականացման համար պատասխանատու կառուցակարգերն ակնհայտորեն ձեռնոց են նետում մեր պետականությանը»,- հայտարարեց Արման Բաբաջանյանը:
Մանրամասները՝ տեսանյութում:
