24.04.2026 | 23:32
Կապանում ջրանջատում կլինի
Օգտագործվում է նախկին հանցավոր ռեժիմի գործիքակազմը․ Նինա Կարապետյանց. ՏԵՍԱՆՅՈՒԹ
Քաղաքականություն
09.02.2021 | 12:57
Մեծ թվով մարդիկ դուրս չեկան փողոց, բայց դա պատահականություն չէր: Այս մասին այսօր «Արտահերթ ընտրություն չի՞ լինի. ինչի՞ց է անհանգստանում վարչապետը» թեմայով քննարկման ժամանակ ասաց «Հելսինկյան ասոցիացիա» ՀԿ նախագահ Նինա Կարապետյանցը:
«Փողոց դուրս եկան այն ուժերը, որոնք հիմնահատակ մերժված էին երկու տարի առաջ: Այլ ուժերի փողոց դուրս գալը կանխվեց հենց այն հայտարարություններով, թե լինելու են արտահերթ ընտրություններ, մի մասն էլ փողոց դուրս չեկավ այն պատճառով, որ գիտակցում է՝ պետությունը գտնվում է այն իրավիճակում, որ ցանկացած ավելորդ շարժ կարող է ավելի ծանր վիճակ ստեղծել՝ ստեղծելով նոր մարտահրավերներ»,- նշեց իրավապաշտպանը:
Նրա դիտարկմամբ՝ «Իմ քայլի» հայտարարությունը, թե արտահերթ ընտրություններ անցկացնելու հանրային պահանջ չկա, մանիպուլյատիվ է:
«Այսպիսի մեծ մասշտաբի մանիպուլյացիայի գնում էր նախորդ ռեժիմը: Ես շատ եմ ցավում, որ օգտագործվում է նախկին հանցավոր ռեժիմի գործիքակազմը»,- նշեց Նինա Կարապետյանցը:
Մանրամասները՝ տեսանյութում:
