08.10.2026 | 16:21
Հայտնի է՝ ինչու է Արթուր Ալեքսանյանը բաց թողնելու աշխարհի առաջնությունը
Փաշինյանին ԱԱԾ-ից տեղեկացրել են, որ հիմա անիմաստ է ընտրություն անել. Գևորգ Պետրոսյան. ՏԵՍԱՆՅՈՒԹ
Քաղաքականություն
09.02.2021 | 12:30
Մենք շարունակում ենք պնդել, որ Նիկոլ Փաշինյանի վարչապետության կամ որևէ եղանակով վարչական լծակի տիրապետելու պայմաններում անիմաստ է ընտրությունների գնալը: Ազգային ժողովում լրագրողների հետ զրույցում այս մասին ասաց «Բարգավաճ Հայաստան» խմբակցության անդամ Գևորգ Պետրոսյանը։
«Եթե Նիկոլ Փաշինյանն ի վիճակի է իրեն թույլ տալ ամենահասարակ առիթներով ուժային կառույցներին օգտագործել ժողովրդի դեմ, ես պատկերացնում եմ, թե նա ինչ վայրագությունների հանձնարարություն է տալու ընտրությունների օրը, որպեսզի կարողանա իր իշխանությունն անմահացնել»,- նշեց Պետրոսյանը։
Նրա խոսքով՝ Փաշինյանը հասկացել է, որ իր հանրային վարկանիշը շատ ցածր է և ուղղակի խուսափել է ընտրություններից։
«Ինքն այլև չունի այն հեղինակությունը, որի մասին այդքան խոսում են: Նա այսօր ընդհանրապես վարկանիշ չունի։ Նա ժողովրդից է փախած։ Մենք այդպիսի ղեկավար չենք ունեցել, որ վախենալով՝ անձրևանոցների տակ, զրահապատ մտնի Եռաբլուր: Ինքն իր շանսերը գնահատել է, և ըստ շրջանառվող լուրերի՝ ԱԱԾ-ն է նրան տրամադրել տեղեկատվություն, որից նա վախեցած է»,- նշեց պատգամավորը։
Մանրամասները՝ տեսանյութում:
