24.04.2026 | 23:32
Կապանում ջրանջատում կլինի
ՀՀ, ՌԴ, Ադրբեջանի փորձագետները քննարկել են ապաշրջափակումը, արգելվել է հայերի մուտքը Դադիվանք․ Լուրեր
Քաղաքականություն
09.02.2021 | 12:02
Արգելվել է հայ ուխտավորների մուտքը Դադիվանքի տարածք, խոչընդոտել են տեղում ծառայություն իրականացնող ադրբեջանցիները։ Այս մասին ահազանգել է «Ազատ Արցախ» պարբերականը։ Վանական համալիրը ներկայումս վերահսկում են ՌԴ խաղաղապահ ուժերը, չնայած տարածքում տեղակայվել են ադրբեջանցիները։
—
ԱԱԾ-ն բացահայտել է ևս մեկ դեպք, երբ անձը խաբել է անհետ կորած զիննծառայողի ծնողին ու նրանից կաշառք է ստացել, որպեսզի զինծառայող որդուն իբր օտարերկրյա հատուկ ծառայությունների միջոցով տեղափոխի Հայաստան։ Կաշառքը ստանալուց հետո այդ անձը ձերբակալվել է։
—
Պատերազմից հետո «Ավրորա» մարդասիրական նախաձեռնությունը անհապաղ օգնություն է տրամադրել արցախցիներին #AraratChallenge ծրագրի միջոցով եւ արդեն 473.000 ԱՄՆ դոլար է տրամադրել ծրագրերին: Գործընկեր կազմակերպությունների հետ #AraratChallenge նախաձեռնությունն աջակցում է 48 նախագծերի։
—
Հայաստանում մեկ օրում իրականացվել է կորոնավիրուսի 2269 թեստավորում, որից հաստատվել է հիվանդության 123 նոր դեպք: Մահացել է 4 վարակակիր։ Նրանցից 3-ի մահվան պատճառ է դարձել հենց վիրուսային հիվանդությունը։
