18.01.2026 | 21:30
Վահագն Խաչատուրյանն այցելել է Ժնևի Սուրբ Հակոբ եկեղեցի
Ի՞նչ է պատահել ԲԴԽ նախագահին, ինչո՞ւ է «փախել» այսօրվա նիստին մասնակցությունից․ Արման Բաբաջանյան. ՏԵՍԱՆՅՈՒԹ
Քաղաքականություն
09.02.2021 | 11:21
ԱԺ-ում քննարկվում է Վճռաբեկ դատարանի նախագահի ընտրության հարցը: ԲԴԽ-ն առաջադրել է Լիլիթ Թադևոսյանի թեկնածությունը: Թեկնածուին ներկայացրեց ԲԴԽ նախագահի պարտականությունները ժամանակավորապես կատարող, ԲԴԽ անդամ Ստեփան Միքայելյանը:
Անկախ պատգամավոր Արման Բաբաջանյանը հարց ուղղեց Ստեփան Միքայելյանին. «Անցած երկուշաբթի ԲԴԽ նախագահը ողջ-առողջ եկել է աշխատանքի՝ մինչև ուրբաթ ներառյալ, և հանկարծ մեկնել է արձակուրդ: Ի՞նչ է պատահել Ռուբեն Վարդազարյանին, ինչո՞ւ է նա «փախել» այսօրվա նիստին մասնակցությունից, և ինչո՞ւ եք համաձայնել Դուք ներկայացնել Վճռաբեկ դատարանի նախագահի թեկնածությունը»:
Ստեփան Միքայելյանը պատասխանեց՝ տեղեկացնելով, որ ԲԴԽ նախագահը հեծանիվից վայր ընկնելու պատճառով առողջական խնդիրներ ունի:
Պատգամավորը արձագանքեց, որ հետևում է ԲԴԽ բոլոր անդամների գործունեությանը և գիտի, թե ով է ողջ-առողջ կամ վատառողջ. «Ես գիտեմ, թե ով ինչ հեծանիվից է ընկել և ինչ վնասվածքներ է ստացել: Նույն Վարդազարյանը հեծանիվից ընկնելու այս ամբողջ ընթացքում մարտակոչեր էր հղում դատավորներին «վնգստացող դատավորների» վերաբերյալ: Այնպես որ՝ խնդրում եմ ցույց մի՛ տվեք, թե Դուք չգիտեք իրականությունը»:
Մանրամասները՝ տեսանյութում:
