10.05.2024 | 11:33
Հունահռոմեական ոճի ըմբիշները Օլիմպիական խաղերի ուղեգիր չեն նվաճել վարկանիշային վերջին մրցաշարում
Թուրքիայի օդուժը հրթիռակոծել է Մանբիչի գյուղերը
Քաղաքականություն
25.01.2018 | 19:46
Թուրքիայի զինուժին պատկանող կործանիչները հրթիռակոծել են Սիրիայի քրդական ուժերի վերահսկողության տակ գտնվող Մանբիչ շրջանի որոշ գյուղեր: Ըստ թուրքական «memurlar» լրատվական կայքի Սևյադե և Դենդեօղլու գյուղերի հրթիռակոծության հետևանքով ոչնչացվել են Սիրիայի քրդական «Ժողովրդական ինքնապաշտպանական ջոկատների» (ԺԻՋ-YPG) հենակետերը: Վերջիններս պաշտոնական Անկարան համարում է ահաբեկչական կազմակերպություն. փոխանցում է EH-ն:
Նշենք, Մանբիչում գտնվում են ամերիկացի հատուկջոկատայիններ, ովքեր վաղուց տեղակայվել են այդտեղ և համագործակցում են տեղի քրդական ուժերի հետ «Իսլամական պետություն» ահաբեկչական կազմակերպության դեմ պայքարում:
Հիշեցնենք, որ այն բանից հետո, երբ Թուրքիայի զինուժը ներխուժեց Սիրիայի Աֆրին շրջան, որը գտնվում է քրդերի վերահսկողության տակ, Թուրքիայի նախագահ Ռեջեփ Թայիփ Էրդողանը իր ելույթում ակնկարկեց, որ, եթե հարկ լինի իրենք ռազմական օպերացիա կիրականացնեն նաև Մանբիչում:
