09.09.2026 | 23:17
Ինչ են քննարկել Փաշինյանը և Մակրոնը. Կառավարությունը մանրամասներ է ներկայացրել
Զարուհի Փոստանջյանը Վրաստան մուտք գործելու արգելքի համար պատրաստ է հասնել մինչ Եվրոպական դատարան
Քաղաքականություն
25.01.2018 | 15:11
Զարուհի Փոստանջյանն իրեն Վրաստան մուտք գործել չթույլատրելու համար է բողոք է ներկայացրել Հայաստանի արտգործնախարարություն, Վրաստանում Հայաստանի և Հայաստանում Վրաստանի դեսպաններին և արգելքի վերաբերյալ պարզաբանումներ պահանջել։ Այսօր հրավիրված ասուիսին նա նաև հայտարարեց, որ դեպքի առթիվ կդիմի նաև Եվրոպական դատարան:
«Անցակետում չցանկացան պարզաբանել, թե ինչու են իմ հիմնարար ազատությունները սահմանափակել։ Երբ սահմանափակվում են, դրանք պետք լինեն միայն ու միայն օրենքով սահմանված կարգով և ներկայացնեն խախտումը, որ ես թույլ եմ տվել: Մինչդեռ ինձ տրամադրած արձանագրությունում որևէ խախտում չի եղել»,- ասաց նա:
Փոստանջյանի կարծիքով Վրաստան մուտքի արգելքը իշխանությունների խոսքով է կատարվել, նա դա կապում է ընդզման կոչերի հետ. «Վրացական անցակետում բոլոր մեր գործընկներին թույլ տվեցին, ավտոբուսով էինք, իրերը՝ պլակատներ, թռուցիկներ, ավտոբուսի մեջ էին, չեն էլ ստուգել, բոլորին թողեցին բացի ինձանից, ինձ արգելեցին: Տրամադրեցին 4 թերթից կազմված գրությունը և ասացին, որ սա ուղղակի արձանագրություն է, այլ հարցերի պարզաբանում տալու իրավասություն չունենք»:
