Բասկետբոլի Հայաստանի Ա լիգայի առաջնությունում հանդես եկող «Արցախ» ակումբի գլխավոր մարզիչ է նշանակվել Գեւորգ Շահնազարյանը: Ակումբից հայտնեցին, որ ղեկավարությունը որոշել է փոխարինել Անդրեյ Սարումյանին՝ հաշվի առնելով վերջին շրջանում «Արցախ» թիմի անհաջող ելույթները:
Գեւորգ Շահնազարյանը երկար տարիներ մարզել է «Արցախի» տարբեր տարիքային թիմեր: Նրա գլխավորությամբ 2016 թվականին «Արցախը» դարձել է 2001 թվականին ծնված պատանիների ՀՀ չեմպիոն, 2017 թվականին եղել է մինչև 16 տարեկանների Եվրոպայի C դիվիզիոնի առաջնությունում հաղթած Հայաստանի հավաքականի գլխավոր մարզչի օգնականը:
Լուսանկարը՝ Հայաստանի բասկետբոլի ֆեդերացիայի
