15.11.2024 | 14:19
Իմ անձեռնմխելիության հարցը ԵԽԽՎ-ի ուշադրության կենտրոնում է. ուզում են հասկանալ` ինչում եմ մեղադրվում․ ՏԵՍԱՆՅՈՒԹ
Սարի թաղի գործով հարցաքննվածները ցուցարարներին վերագրվող գործողությունների վերաբերյալ էական ցուցմունքներ չեն տվել, սակայն ցուցարարները դեռ կալանքի տակ են. ՀՔԱՎ
Հասարակություն
25.01.2018 | 11:59
Այսօր՝ 2018 թ. հունվարի 25-ին՝ ժամը 16:00-ին, Երևանի Էրեբունի և Նուբարաշեն վարչական շրջանների ընդհանուր իրավասության դատարանը կշարունակի քննել Սարի թաղի ցույցերի մասնակիցներ Հրաչյա Բոյաջյանի, Արման Ադամյանի ու Ժորա Ավետիսյանի գործը:
Նրանք մեղադրվում են ՀՀ Ոստիկանության աշխատակիցների նկատմամբ ՀՀ Քրեական օրենսգրքի 316-րդ հոդվածի 2-րդ մասի իմաստով բռնություն կիրառելու մեջ:
Հրաչյա Բոյաջյանի շահերը ներկայացնում է ՀՔԱ Վանաձորի գրասենյակի փաստաբան Արայիկ Զալյանը:
Մինչ օրս գործով հարցաքննված վկաները էական ցուցմունքներ չեն տվել՝ Սարի թաղի բնակիչներին վերագրվող գործողությունների վերաբերյալ, սակայն վերջիններս շարունակում են մնալ կալանքի տակ:
Դրան հակառակ՝ մինչ օրս իրավական գնահատական չի տրվել ոստիկանների գործողություններին, որոնց արդյունքում տուժել էին Սարի թաղի բնակիչները: Նրանցից որևէ մեկին դեռևս մեղադրանք չի առաջադրվել:
