26.03.2026 | 22:03
Արցախի տարածքում ականի պայթյուն է տեղի ունեցել․ վիրավոր կա
Ի՞նչ կաշկանդվածություն ունենք Ադրբեջանի ղեկավարության համար անհարմարություններ ստեղծելու հարցում. Թագուհի Թովմասյան. ՏԵՍԱՆՅՈՒԹ
Քաղաքականություն
03.02.2021 | 13:04
ԱԺ արտահերթ նիստում այժմ քննարկվում է Դատական օրենսգրում և Արդարադատության ակադեմիայի մասին օրենքում փոփոխություններ կատարելու մասին օրինագծերը:
ԱԺ պատգամավոր Թագուհի Թովմասյանը, դիմելով արդարադատության նախարար Ռուստամ Բադասյանին, նշեց. «Ինչպես հայտնի է, Ադրբեջանը միջազգային հետախուզում է հայտարարել մի շարք մեր հայրենակիցների նկատմամբ… Փոխարենը մենք միջազգային հետախուզում ենք հայտարարել մի ադրբեջանցի մարզական մեկնաբանի նկատմամբ: Ինչպե՞ս կարող ենք մենք ադեկվատ պատասխանել այս իրավական հարձակմանը»,- արդարադատության նախարարին հարցրեց պատգամավոր Թագուհի Թովմասյանը:
Բադասյանը պատասխանեց, որ այդ մասին քննարկում է տեղի ունեցել:
Պատգամավորը հիշեցրեց, որ նախկին հանցավոր ռեժիմների ժամանակ այս բալանսը ապահովվել է ուղղակի այն սպառնալիքով, որ Հայաստանն էլ Ադրբեջանի ռազմաքաղաքական ղեկավարության նկատմամբ կհայտարարի միջազգային հետախուզում:
«Ի՞նչ կաշկանդվածություն ունենք Ադրբեջանի ղեկավարության համար անհարմարություններ ստեղծելու հարցում, ինչու մենք էլ Ադրբեջանի ռազմաքաղաքական ղեկավարությանը միջազգային հետախուզում չենք հայտարարում»,- հետաքրքրվեց Թովմասյանը:
Մանրամասները՝ տեսանյութում:
