31.08.2026 | 22:13
Այդ մարդասպանին պետք է կանգնեցնել, նա մարդկության ընդհանուր թշնամին է․ Ֆիդանը՝ Նեթանյահուի մասին
Դատարանը մերժեց Փաշինյանին որպես վկա դատարան հրավիրելու Փոստանջյանի միջնորդությունը. ՏԵՍԱՆՅՈՒԹ
Հասարակություն
03.02.2021 | 11:45
Երևանի ընդհանուր իրավասության դատարանի Շենգավիթի նստավայրում նախագահությամբ Մեսրոպ Մակյանի, շարունակվում է «Սասնա ծռեր» խմբի տասն անդամի գործով դատական նիստը:
Գործը պաշտպանական ճառերի փուլում է:
Այսօր մինչ ճառով հանդես գալը, ամբաստանյալ Արմեն Բիլյանի պաշտպան Զարուհի Փոստանջյանը դատարանին միջնորդեց դատաքննությունը վերսկսել, և վարչապետ Նիկոլ Փաշինյանին, որպես վկա հրավիրել դատարան հարցաքննության:
Փոստանջյանը պնդում էր, որ Փաշինյանը տիրապետում է տեղեկության, թե ինչ հանգամանքներում է զոհվել ոստիկան Գագիկ Մկրտչյանը:
Բացի այդ, Փոստանջյանը կասկածահարույց որակեց Փաշինյանի՝ ՊՊԾ գունդ մտնելը և ասաց, որ այս հանգամանքները պետք է ճշտվեն:
Մեղադրողը առարկեց այս միջնորդության դեմ:
Դատարանն էլ այն չբավարարեց՝ նշելով, որ վերացական հայտարարություններ են արվում, որոնց առնչությամբ որևէ փաստական տվյալ չի ներկայացվել:
Մանրամասները՝ տեսանյութում:
Լիլիթ Շաբոյան
