08.10.2026 | 16:52
Հայտնի է Արման Ծառուկյանի հաջորդ մրցակիցը RAF-ում. ԼՈՒՍԱՆԿԱՐ
Մեր հայրենիքի կեսը կորցրել ենք, այս իշխանությունը պիտի պատժվի դրա համար. Թագուհի Թովմասյան. ՏԵՍԱՆՅՈՒԹ
Քաղաքականություն
02.02.2021 | 17:22
Իշխանական շատ գործիչներ մինչև հիմա չեն գիտակցում`ինչ է եղել: Այս մասին այսօր ԱԺ-ում լրագրողների հետ զրույցում ասաց ԱԺ պատգամավոր Թագուհի Թովմասյանը:
«Ժողովո՛ւրդ, մենք մեր հայրենիքի կեսը կորցրել ենք, ու այս իշխանությունը դրա համար պետք է պատժվի, սա անթույլատրելի է: Այսինքն դու եկել ես իշխանության և ձախողել ես: Սրանից ավելի ի՞նչ պետք է լինի, որ իշխանությունը գնա, սրանից ավել վատ բան ի՞նչ կարող էին անել: Այն, ինչ արել են այս իշխանությունները մեր երկրի հետ այս իշխանությունները, ես չեմ պատկերացնում, որ դրանից ավելիվատ բան անել հնարավոր էր: Հիմա կասեն՝ պատերազմում պարտվել ենք: Բայց պարտվել ենք նաև ապաշնորհ կառավարման արդյունքում: Դրա մասին բազմիցս խոսվեց և ՊՆ նախկին նախարարը և Գլխավոր շտաբի պետը, բազմաթիվ սխալներ մատնանշվեցին:
Եվ այս կառավարման ձախողուները չտեսնել և ասել՝ ժողովուրդը մեզ վստահում է, ո՛չ, դուք վաղուց գտնվում եք երազանքների գրկում, ձեզ ժողովուրդն առաջվա պես չի վստահում, որովհետև դուք մեր հայրենիքի կեսը տվել եք Ադրբեջանին»:
Անդրադառնալով Պաշտպանության նախկին նախարար Դավիթ Տոնոյանի այն հայտարարությանը, որ չենք հասցրել պատրաստվել պատերազմին, Թովմասյանը նշեց. «Բա ինչո՞վ էիր զբաղվում՝ որպես ՊՆ նախարար, բա ո՞ւմ հույսով էիր ասում՝ նոր պատերազմ, նոր տարածքներ, եթե պատրաստ չէիր անհպում պատերազմի, իսկ դու չգիտեի՞ր, որ Թուրքիան կանգնած է Ադրբեջանի թիկունքում, չգիտեի՞ր, որ հաջորդ պատերազմը լինելու է նոր սերնդի պատերազմ, որտեղ ձեր թանկ գներով առած «Կալաշնիկովը» կրակելու անհրաժեշտություն չի լինելու: Մարդիկ 44 օր պատերազմում մի փամփուշտ չեն կրակել, որովհետև դրա ահրաժեշտությունը ուղղակի չի եղել: Մարդիկ պայքարում էին օդում սավառնող տարբեր հրթիռների դեմ: Ես նախկին ՊՆ նախարարի այդ ձևակերպումը համարում եմ ամենաանպատասխանատու ձևակերպումը, որը կարող էր հնչել»:
Մանրամասները՝ տեսանյութում:
