09.09.2026 | 23:17
Ինչ են քննարկել Փաշինյանը և Մակրոնը. Կառավարությունը մանրամասներ է ներկայացրել
Ցերեկային ժամերին միացվում են արտաքին լուսավորության լամպերը. Տարոն Մարգարյանի համար սովորական երևույթ է դարձել հանրային միջոցների վատնումը. «Երկիր Ծիրանի»
24.01.2018 | 18:43
Քաղաքապետարանի թողտվությամբ ցերեկային ժամերին տեվական ժամանակով միացվում են ինչպես քաղաքապետարանի շենքի հազարավոր լամպերը, այնպես էլ արտաքին լուսավորության լամպերը։
Քաղաքաապետարանի աշխատակիցների և մասնավորապես Տարոն Մարգարյանի համար արդեն սովորական երևույթ է դարձել հանրային միջոցների յուրացումը, վատնումը։
Հաշվի չառնելով այն փաստը, որ շատ քաղաքացիներ իրենց բնակարաններում էլեկտրականություն չունեն կամ այն խիստ սահմանափակ օգտագործման հնարավորույթուն ունեն՝ քաղաքապետարանի թողտվությամբ ցերեկային ժամերին տևական ժամանակով միացվում են ինչպես քաղաքապետարանի շենքի հազարավոր լամպերը, այնպես էլ արտաքին լուսավորության լամպերը։
Պատճառաբանությունը, թե դա արվում է լամպերի ստուգման և փոխման նպատակով, անհիմն է, որովհետև այդ նպատակով կարելի է օգտագործել գիշերային ժամերը, երբ լամպերը միացվում են։ Միաժամանակ մեկ փողոցով երթևեկելու և լամպերի աշխատանքը ստուգելու համար պահանջվում է ընդամենը մի քանի րոպե, այլ ոչ թե ժամեր։
Այսօր առավոտյան նմանատիպ շռայլություն է նկատվել Գրիգոր Լուսավորիչ, Պռոշյան, Պարոնյան փողոցներում։ Նմանատիպ անբարեխիղճ մոտեցում գրանցում ու ահազանգում են բազմաթիվ երևանցիներ։
Սա հանրային միջոցների վատնում է, որի նպատակը բնավ երևանցիների կյանքը հեշտացնելը չէ։
Մարինա Խաչատրյան
Երևանի ավագանու «Երկիր Ծիրանի» խմբակցության անդամ
