15.11.2024 | 13:30
Թուրքիայում 4,9 մագնիտուդով երկրաշարժ է տեղի ունեցել
Հայաստանում իշխանությունը զավթված է, դատավորներն էլ գտնվում են պատանդի կարգավիճակում. «Սասնա ծռերի» անդամի փաստաբան
Հասարակություն
24.01.2018 | 12:52
Ավան և Նոր Նորք ընդհանուր իրավասության դատարանում շարունակվում է «Սասնա ծռեր»խմբի 10 անդամների գործով դատական նիստը: Ամբաստանյալ Արմեն Բիլյանի պահանջով դատարան էր հրավիրվել շտապօգնության բրիգադ: Ըստ դատավորի հայտարարության` Բիլյանի մոտ նկատվել է ընդհանուր թուլություն, սնուցման խանգարում:
Հիշեցնենք, որ Արմեն Բիլյանը 20 օրից ավելի գտնվում էր հացադուլի մեջ: Այսօրվա նիստին փաստաբան Արա Ղարագյոզյանը ինքնաբացարկի միջնորդություն ներկայացրեց դատավոր Մեսրոպ Մակյանին: «Դատարանն արդարադատություն չի իրականացնում, այլ «զապասով» պաշտպանություն է իրականացնում՝ վատնելով պետության փողերը: Դատարանը պաշտպանական կողմի նկատմամբ կանխակալ վերաբերմունք է դրսևորում: Սա դատավարություն չէ, այլ քաղաքական հաշվեհարդար»,- հայտարարեց փա ստաբանը:
Պավել Մանուկյանի պաշտպան Ղարագյոզյանն ասաց, որ այս գործով Մակյանը հանդես չի գալիս որպես անկողմնակալ դատավոր և չի կարող լինել օբյեկտիվ, ինչը կարող է ազդել գործի բազմակողմանի քննության վրա: «Հայաստանում իշխանությունը զավթված է, դատավորներն էլ գտնվում են պատանդի կարգավիճակում»,- ասաց Ղարագյոզյանը:
Փաստաբանները նշեցին, որ իրենք էլ են միանում այս միջնորդությանը:
Հիշեցնենք՝ այս բողոքի պատճառն այն է, որ երբ «Սասնա ծռերի» անդամները բոյկոտել էին դատական նիստը և հրաժարվել իրենց պաշտպաններից՝ hաջակցություն հացադուլ հայտարարած ընկերների, դատարանն առանց նրանց համաձայնության գործին հանրային պաշտպաններ էր ներգրավել:
