25.04.2024 | 11:12
Երևանի մի շարք փողոցներ փակ կլինեն՝ պայմանավորված «Երևանի մարաթոն» ամենամյա վազքի մրցմամբ
Միջին աշխատավարձը բարձրացել է 3,9 %-ով․ որքա՞ն է կազմել այն դեկտեմբեր ամսին․ վիճակագրություն
Տնտեսություն
29.01.2021 | 21:29
2020 թ. միջին ամսական անվանական աշխատավարձն աճել է 3,9%-ով, իսկ դեկտեմբեր ամսին՝ նախորդ տարվա նույն ամսվա համեմատ աճել է 1,9 %-ով։ Այս մասին տեղեկանում ենք Պետական վիճակագրական ծառայության հրապարակած տվյալներից։
Այսպես․ եթե 2019 թվականի դեկտեմբերի դրությամբ միջին ամսական անվանական աշխատավարձը կազմել է 224 517 դրամ, ապա 2020 թվականի դեկտեմբերին այն կազմել է 228 342 դրամ։
Այնուամենայնիվ, 2020 թվականին դանդաղել է միջին ամսական անվանական աշխատավարձի աճի տեմպը։ Այպես․ եթե 2018 թվականին միջին աշխատավարձն աճել է 4%-ով, 2019-ին՝ 5,8 %-ով, 2020 թվականին աճը կազմել է 3,9 %:
Նշենք, որ միջին ամսական անվանական աշխատավարձի աճը տարբեր է պետական և մասնավոր հատվածներում։
Պետական հատվածում 2020 թվականին այն աճել է 5,3 %-ով, իսկ միայն դեկտեմբերին՝ նախորդ տարվա նույն ամսվա համեմատ՝ 1,1 %-ով։ Այսպիսով՝ 2020 թվականի դեկտեմբերին պետական հատվածում միջին ամսական անվանական աշխատավարձը կազմել է 226 225 դրամ, իսկ 2019-ին՝ 223 645 դրամ։ Այստեղ ևս դանդաղել է աճի տեմպը։ Եթե 2019 թվականին պետական հատվածում միջին աշխատավարձն աճել է 8,4 %-ով, ապա 2020-ին՝ 5,3 %-ով։
Մասնավոր հատվածում վերջին 2 տարիներին միջին աշխատավարձը փոքր-ինչ բարձր է պետական հատվածից, սակայն ի տարբերություն պետական հատվածի՝ աճի տեմպն ավելի ցածր է․ այսինքն՝ պետական հատվածում միջին ամական անվանական աշխատավարձը վերջին 2 տարիներին ավելի մեծ տեմպով է բարձրանում։
Ներկայացնենք թվերով․ մասնավոր հատվածում 2020 թվականին միջին ամական անվանական աշխատավարձն աճել է 3 %-ով։ Դեկտեմբերին այն կազմել է՝ 229 343 դրամ՝ 3118 դրամով ավելի պետական հատվածից, իսկ 2019 թվականի նույն ամսին՝ 224 977 դրամ։
Անժելա Պողոսյան
