08.10.2026 | 12:17
Աշխարհի ու Եվրոպայի չեմպիոն Դավիդ Սիլվան 40 տարեկանում վերսկսել է կարիերան
Ի՞նչ է արել ՄԻԵԴ-ը՝ Ադրբեջանում հայ ռազմագերիների ազատ արձակման ուղղությամբ․ մանրամասնում է Եվրադատարանի նախագահը. ՏԵՍԱՆՅՈՒԹ
Քաղաքականություն
28.01.2021 | 17:56
Եվրադատարանի նախագահ Ռոբերտ Սփանոն անդրադարձել է ԼՂ հակամարտության հետևանքով ադրբեջանական կողմում հայտնված հայ ռազմագերիներին հայրենիք վերադարձնելու խնդրին։ Վերջինս հայտնել է, որ 2020 թվականի սեպտեմբերի 29-ին Եվրադատարանը խնդրո առարկա հակամարտության առնչությամբ միջանկյալ միջոց է կիրառել՝ կոչ անելով հակամարտող կողմերին զերծ մնալ այնպիսի քայլերից, որոնք կարող են վտանգել խաղաղ բնակիչների ապրելու իրավունքը, որն ամրագրված է մարդու ապրելու իրավունքի մասին 2-րդ հոդվածով։
Նոյեմբերի 4-ին դատարանը հայտարարություն է տարածել, որում ասվում է, որ այս ընդհանուր կանոնը վերաբերում է նաև ռազմագերիներին, որոնք պահվում էին հակամարտող երկու կողմերում։ Այնուհետև դեկտեմբերի 16-ին դատարանը որոշել է կասեցնել միջանկյալ միջոցի դիմումների քննությունը և կողմերին հրավիրել է տեղեկություններ տրամադրելու ռազմագերիների մասին։
Վերջինս նաև տեղեկացրել է, որ ՄԻԵԴ են դիմել բազմաթիվ հայցերով ինչպես երկու երկրների իշխանությունները, այնպես էլ առանձին ռազմագերիների հարազատների փաստաբաններ։ Այսպիսի ավելի քան 210 հայց կա ներկայացված ՄԻԵԴ։ Ռոբերտ Սփանոն նաև հավելել է, որ այս հայցերի առնչությամբ Եվրադատարանում 3 միջպետական դիմում կա։
Տաթև Ֆռանգյան
