20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
Մակունցի հետ ԱՄՆ-ում ո՞վ պետք է համագործակցի, նրա ղեկավարին մերժում են. Արա Պապյան. ՏԵՍԱՆՅՈՒԹ
Քաղաքականություն
28.01.2021 | 13:33
Բացասաբար եմ վերաբերվում Մակունցի՝ ԱՄՆ-ում ՀՀ դեսպան նշանակելու մտադրությանը: Այս մասին «Ազգային ժողովրդավարական բևեռ»-ի նախաձեռնած երթի ժամանակ լրագրողների հետ զրույցում ասաց քաղաքագետ Արա Պապյանը։
«Լիլիթ Մակունցը այն թեկնածուն չէ, որը կկարողանա իրեն դրսևորել որպես դեսպան: Ցանկացած մասնագիտություն որոշակի փորձառություն է պահանջում: Դիվանագիտության մեջ, ինչպես բանակում, աստիճանակարգ կա, պետք է մասնագետն աճի: Դիվանագիտությունը բարդ գործ է, այնքան նրբություններ ունի, որոնց միայն շփման, տարիների աշխատանքի դեպքում է հնարավոր տիրապետել: Նա փորձ չունի, միայն անգլերեն իմանալը քիչ է:
Մյուս կողմից՝ Մակունցն այն իշխանության ներկայացուցիչն է, որին Սփյուռքը մերժում է: Իսկ հայկական դեսպանատները առանց համայնքի աջակցության, համարենք, որ մի թևը կոտրված թռչունի է նման… Ո՞վ պիտի Մակունցի հետ համագործակցի, եթե բոլոր կազմակերպություններն ու կուսակցություններն արդեն իսկ պահանջել են իրենց քաղաքական ուժի և թիմի ղեկավարի հրաժարականները»,- նշեց Պապյանը:
Մանրամասները՝ տեսանյութում:
