07.10.2026 | 23:48
Արթուր Դանիելյանը կալանավորվեց
Փաշինյանի մնալը կարևոր է, քանի որ եթե վարչական ռեսուրսը չօգտագործեն ընտրություններում՝ իշխանությունը պահելու խնդիր կունենան․ վերլուծաբան. ՏԵՍԱՆՅՈՒԹ
Քաղաքականություն
28.01.2021 | 12:48
«Իմ քայլը» իշխող դաշինքը ծրագրում է երկրի Սահմանադրության մեջ խորհրդարանի ինքնալուծարման գործընթաց ներմուծել և իրականացնել այն: Թեև իշխող քաղաքական ուժը հասատում է ԱԺ-ի ինքնալուծարման մեխանիզմի մասին քննարկումները, սակայն խմբակցությունը հինգ պատգամավոր լքելուց հետո նախաձեռնության հաջողությունը երաշխավորված չէ:
«Կարծում եմ՝ իշխանություններն արեն հասկացել են, որ արտահերթ ընտրություններն անխուսափելի են»,- այս մասին «Ինչո՞ւ է ներդրվում ազգային ժողովն ինքնալուծարելու մեխանիզմը» թեմայով քննարկման ժամանակ ասաց վերլուծաբան Արմեն Բաղդասարյանը:
«Եվ այս ճանապարհն ընտրելով՝ փորձում են մի քանի հարց լուծել. առաջինը՝ լեգիտիմությունը վերահաստատելն է: Իշխանության համար կարևոր է, որ ընտրությունները տեղի ունենան Ն. Փաշինյանի վարչապետության պայմաններում, քանի որ իշխանությունը պահելու լուրջ խնդիր կունենան, եթե ընտրությունների ժամանակ վարչական ռեսուրսները չօգտագործեն: Երկրորդ՝ նրանց պետք է խորհրդարանական նոր խմբակցություն, քանի որ իրենց խմբակցությունում քաղաքական լուրջ դեմքեր չկան, և ինչպես որ իրենք են հեգնանքով բնորոշել, այնտեղ շատերն «ուսապարկեր» են»,- նշեց Բաղդասարյանը:
«Կհաջողվի պահպանել իշխանությունը, թե ոչ, լուրջ կասկածներ ունեմ»,- նշեց վերլուծաբանը՝ հավելելով, որ առանց ընտրակեղծիքների «Իմ քայլ»-ին հազիվ թե հաջողվի պահպանել իշխանությունը:
Մանրամասները՝ տեսանյութում:
