17.09.2026 | 17:17
Ասել էիք` Հայաստանով մեկ կտրելու եք ՔՊ-ի թևերը, ինչո՞ւ Թումանյանում թեկնածու չեք առաջադրել. հարց Տիգրան Աբրահամյանին․ ՏԵՍԱՆՅՈՒԹ
Տեղեկացված չեմ եղել իշխանությունների այցի մասին. Կաթողիկոսը՝ Փաշինյանի հետ Եռաբլուր չգալու մասին. ՏԵՍԱՆՅՈՒԹ
Քաղաքականություն
28.01.2021 | 10:50
«Մենք տեղեկացված չենք եղել իշխանության ղեկավարների այցի մասին։ Բայց կարծում եմ՝ ներկա կացության մեջ այս տարբերակը պատշաճ մոտեցում է»,- այս մասին այսօր՝ հունվարի 28-ին, «Եռաբլուր» զինվորական պանթեոնում լրագրողների հետ զրույցում ասաց Ն.Ս.Օ.Տ.Տ. Գարեգին Բ Ամենայն Հայոց Կաթողիկոսը՝ անդրադառնալով հարցին, թե ինչպիսի հարաբերություններ են իր և վարչապետի միջև, հաշվի առնելով նաև այն հանգամանքը, որ վերջին շրջանում կաթողիկոսն ու վարչապետն առանձին-առանձին են գալիս Եռաբլուր:
Կաթողիկոսն անդրադառնալով եկեղեցին քաղաքական առաջնորդության դերակատարություն ստանձնելու հարցին, նշեց. «Եկեղեցին քաղաքական առաջնորդության դերակատարություն ստանձնել է, երբ չենք ունեցել պետականություն։ Այսօր գոհություն Աստծո, նաև եկեղեցու դարավոր պայքարի արդյունքում ունենք հայոց պետականություն։ Եկեղեցին ամբողջապես իր ջանքերը ներդնելու է այդ պետականության զորացման, անվտանգության, ամրացման նվիրական գործին»։
Անդրադառնալով հարցին, թե ինչու նախկինում եկեղեցին չի քննադատել ՀՀ իշխանություններին, Ամենայն Հայոց Կաթողիկոսն պատասխանեց. «Եկեղեցին ինքն է որոշում, թե ինչպիսի պարագաներում իր ձայնը բարձրացնի։ Եկեղեցին նման իրավիճակներում փաստերին չի տիրապետում, գուշակություններով, կռահումներով եկեղեցին չի կարող անդրադարձներ ունենալ և խոսք հնչեցնել»։
