08.10.2026 | 12:02
ՌԴ-ն զանգվածային հարված է հասցրել Ուկրաինային․ տասնյակ զոհեր կան
Այս հարցը լինելու է խնդրահարույց նաև Ադրբեջանի համար. Արա Այվազյան. ՏԵՍԱՆՅՈՒԹ
Քաղաքականություն
28.01.2021 | 09:47
Արցախի հիմնահարցը լուծված չէ, կա հիմնական ու առանցքային հարցը, որը Արցախի կարգավիճակի հստակեցումն է, որի մասին նաև խոսել են համանախագահ երկրները՝ արտաքին գործերի նախարարների մակարդակով։ Այս մասին այսօր Եռաբլուրում լրագրողների հետ զրույցում ասաց արտաքին գործերի նախարար Արա Այվազյանը։
«Տարածաշրջանում, որպեսզի խոսենք կայունության, անվտանգության, խաղաղության մասին, պետք է ստեղծվի վստահության մթնոլորտ: Դա ստեղծվում շատ կարևոր հարցերի լուծման պարագայում, նախ և առաջ՝ գերիների ազատ արձակման դեպքում: Եթե այս հարցը շարունակվի շահարկվել, վստահ եմ, որ այն լինելու է նաև խնդրահարույց Ադրբեջանի համար», – նշեց նախարարը՝ ավելացնելով, որ մեր գծով միջազգային ճնշումն օրեցօր աճում է:
Նա ընդգծեց, որ առանցքային հիմնական հարցն Արցախի կարգավիճակի հստակեցումն է:
Այվազյանը տեղեկացրեց, որ օրերս համանախագահները հանդիպում են ունեցել, և մոտ ժամանակներում ակնակալվում է նրանց այցը տարածաշրջան:
«Եթե խոսում ենք տարածաշրջանում կայունության և խաղաղության մասին, պետք է ընդհանուր ըմբռնում լինի, որ տարածաշրջանը չպետք է ունենա հաղթողներ և պարտվողներ: Կարծում եմ՝ բոլորի կողմից ըմբռնում կա, որ եթե խոսում ենք խաղաղության մասին, ապա դա պետք է լինի արժանապատիվ խաղաղությունը», – ասաց ԱԳ նախարարը:
Մանրամասները՝ տեսանյութում:
