02.11.2026 | 12:18
Մեկնարկել է Հայաստան-Կիպրոս հանդիպման տոմսերի վաճառքը
Գերիների վերադարձի գործընթացը, կարծում եմ, առաջիկա 1 ամսվա ընթացքում ավարտին կհասցվի․ Աղազարյան. ՏԵՍԱՆՅՈՒԹ
Քաղաքականություն
27.01.2021 | 13:59
Գերիների վերադարձի գործընթացը, կարծում եմ, առաջիկա 1 ամսվա ընթացքում ավարտին կհասցվի: «Տնտեսական նոր հնարավորություններ Հայաստանի համար: Ապաշրջափակում. ռիսկերը և առավելությունները: Տնտեսության զարգացման նոր ուղղություններ» թեմայով քննարկման ժամանակ այս մասին ասաց ԱԺ պատգամավոր Հովիկ Աղազարյանը:
«Մեր շատ հայրենակիցներ և ընդդիմադիր դաշտի մեր գործընկերներն անհանգստություն ունեն՝ կապված գերիների վերադարձի հարցի հետ: Եռակողմ հայտարարության 8-րդ կետի համաձայն՝ «բոլորը՝ բոլորի դիմաց» սկզբունքով գերիները պետք է փոխանակվեն: Եվ հաջորդ մտահոգությունը կապված է ճանապարհների ապաշրջափակման հետ, որը հայտարարության իններորդ կետով է նշված, և անհանագստություն են արտահայտում, թե ինչու 8-րդ կետի պահանջը լիարժեք չկատարած, անցնում ենք 9-րդ կետը կյանքի կոչելուն: Այսօր Մոկվայում նախատեսված հանդիպման ընթացքում չի որոշվելու ամբողջությամբ կատարել 9-րդ կետը, դա երկարատև պրոցես է: Եթե աշխատանքային խումբ է ստեղծվել և անցնում ենք իններոդ կետի կատարմանը, դա չի նշանակում, որ ութերորդ կետը չի իրագործվելու: Գերիների, պատանդների վերադարձի գործընթացը, կարծում եմ, առաջիկա 1 ամսվա ընթացքում ավարտին կհասցվի»:
Մանրամասները՝ տեսանյութում:
