22.01.2026 | 17:27
Ջոկովիչը մտածում է «Մեծ սաղավարտի» 25-րդ տիտղոսի մասին․ «Հավատում եմ իմ ուժերին»
Մեզ առաջարկել էին՝ 10-15 րոպեում ներկայացնել ցուցանիշը. ԱՎԾ պետը՝ պատգամավորների հարցերին չպատասխանելու մասին
23.01.2018 | 15:26
Ազգային ժողովի նիստերի դահլիճում քննարկվող հարցը վերաբերում էր թանկացումների պատճառներին, իսկ Ազգային վիճակագրական ծառայությունը զբաղվում է միայն փաստագրմամբ: Պատասխանելով Factor.am-ի հարցին` պարզաբանեց ԱՎԾ պետ Ստեփան Մնացականյանը:
«Եվրոպայի վիճակագիրների փորձառության օրենսգքրի համաձայն՝ հասարակությունը պետք է վիճակագրական ծառայությունը տարբերի կոնկրետ քաղաքական կողմնորոշում ունեցող պետական այլ մարմիններից և վիճակագրական ծառայությանը չներքաշի քաղաքական, վարչական, տնտեսական և այլ շահերի կոնֆլիկտներում», – նշեց նա։
«Պետական վիճակագրության մասին» օրենքին հղում անելով՝ ԱՎԾ պետն ասաց՝ առաջանորդվում է միջազգային կազմակերպությունների կողմից սահմանված ստանդարտներով և մեթոդաբանությամբ։ «Մենք այդ մեթոդաբանությամբ արձանագրում ենք կոնկրետ գնային փոփոխությունները։ Եթե այդ մեթոդաբանությունը ազգային մակարդակով որոշվեր, ապա ինքներդ գիտեք ինչ մեթոդաբանություն կլիներ», – շարունակեց Ստեփան Մնացականյանը:
Factor.am-ի դիտարկմանը, որ պատգամավորների հարցերը լինելու էին զուտ ԱՎԾ-ի ներկայացրած թվերի վերաբերյալ, Մնացականյանն արձագանքեց, որ նախնական պայմանավորվածություն կար 10-15 րոպեում ներկայացնել ցուցանիշները:
Մանրամասները՝ տեսանյութում:
