14.10.2026 | 21:04
Սահմանադրական դատարանի դատավոր չընտրվեց
«Քրդերի բերանով մի խոսեք մեզ հետ». Չավուշօղլուն՝ Թլիերսոնին
Քաղաքականություն
23.01.2018 | 13:33
Թուրքիայի արտգործնախարար Մևլութ Չավուշօղլուն պատմել է ամերիկացի պաշտոնակից Ռեքս Թիլերսոնի հետ ունեցած երկխոսության մասին, որը տեղի է ունեցել Սիրիայի Աֆրին քրդական շրջանի վրա Թուրքիայի հարձակումից անմիջապես առաջ. փոխանցում է EH-ն:
Աֆրինի վրա հարձակումից առաջ թուրքական կողմն անընհատ լուրեր էր տարածում, թե Սիրիայի քրդական հատվածներից պարբերաբար հրթիռներ են արձակվում իրենց ուղղությամբ, ինչի առիթով Թիլերսոնը հեռախոսազրույց է ունեցել Չավուշօղլուի հետ:
«Ի՞նչ է կատարվում, Մևլու՛թ: Ըստ մեր ընկերների փոխանցած տեղեկությունների՝ Թուրքիայի վրա ոչ մի հրթիռ չի արձակվել»,-ըստ թուրքական «Haberler.com» լրատվական կայքի Թիլերսոնը: Չավուշօղլուն, ակնարկելով, որ ամերիկյան կողմն իր տեղեկությունները վերցնում է Սիրիայի քրդերի զինված ուժերից (Ժողովրդի պաշտպանության ուժեր-YPG-ԺՊՈւ), պատասխանել է. «Դու էլ քո տեղեկությունները «check» արա (ստուգիր): Նրանց բերանով մի խոսեք մեզ հետ»:
Հիշեցնենք, որ պաշտոնական Անկարայի աջակցությունը վայելող «Սիրիայի ազատ բանակ» խմբավորումը Թուրքիայի օդուժի աջակցությամբ ներխուժել է Սիրիայի քրդերի վերահսկողության տակ գտնվող սիրիական Աֆրին շրջան։ Գործողության անունն է «Ձիթենու ճյուղ»։
