19.01.2026 | 09:46
Լարս ավտոճանապարհը փակ է
Ալեքսեյ Նավալնիի մոտ տեսողության հետ կապված խնդիրներ են առաջացել․ DW
Քաղաքականություն
22.01.2021 | 19:41
Ողջ Ռուսաստանում հանգստյան օրերին պլանավորվում են իշխանությունների կողմից չարտոնված բողոքի ցույցեր՝ հաջակցություն ընդդիմադիր գործիչ Ալեքսեյ Նավալնիի, որին ձերբակալել էին հունվարի 17-ին Գերմանիայից հայրենիք վերադառնալուց անմիջապես հետո։
DW-ի ռուսական ծառայության հետ զրույցում Նավալնիի փաստաբանը հայտնել է, որ վերջինիս մոտ տեսողության հետ կապված խնդիրներ են առաջացել։
«Ինչպես հասկանում եմ, նա, ըստ էության, անցել է ֆիզիոթերապիայի բոլոր կուրսերը։ Այս պահին նա հատուկ բժշկական օգնության կարիք չունի։ Միայն նրա մոտ սկսվել են տեսողության հետ կապված խնդիրներ։ Հետևաբար, մենք կփորձենք հասնել ակնաբույժի կողմից զննության: Բայց դրանք դեռ մոտ ապագայի ծրագրեր են»,- ասել է փաստաբանը։
Հավելենք, որ պատիժների կատարման ՌԴ դաշնային ծառայությունը ցանկանում է հասնել «Իվ Ռոշեի» գործով ընդդիմադրի պայմանական ժամկետը իրականով փոխարինելուն։ Հիշեցնենք, որ Նավալնին կալանավորված է մինչև փետրվարի 15-ը։
