18.01.2026 | 21:30
Վահագն Խաչատուրյանն այցելել է Ժնևի Սուրբ Հակոբ եկեղեցի
Իսրայելը նախազգուշացնում է․ զորավարժություններ կանցկացնի՝ միաժամանակ «պատերազմելով» Սիրիայի, Իրանի ու «Հըզբոլլահի» դեմ
Քաղաքականություն
22.01.2021 | 20:47
Իսրայելական բանակը պատրաստվում է ամռանը զանգվածային զորավարժություններ անցկացնել: Այս մասին հայտնում է Al Masdar News-ը՝ հղում կատարելով եբրայերենով լույս տեսնող «Մաարիվ» թերթին։ Թերթը գրում է, որ այս զորավարժություններով իսրայելական բանակը ցանկանում է հաղորդագրություն ուղարկել Սիրիային, «Հըզբոլլահ»-ին և Իրանին։
Զորավարժությունը, որը կտվի մի ամբողջ ամիս նկարագրվում է որպես , «պատերազմական մեծ մանևր»: Դրանց ժամանակ Իսրայելական բանակը պատերազմ կվարի միաժամանակ երեք ուղղություններով՝ հարավում՝ Գազայի հետ, արևմուտքում՝ Իրանի հետ և հյուսիսում՝ «Հըզբոլլահի» ու Սիրիայի հետ միասին՝ այսպիսով միաժամանակ հաղորդագրություն ուղարկելով «Հեզբոլլահին», Սիրիային ու Իրանին։
Տեղեկացվում է, որ հսկայածավալ զորավարժություններին կմասնակցեն բանակի գլխավոր հրամանատարությունը, ինչպես նաև ցամաքային, օդային և պահեստային ուժերի ղեկավարները, եթե մինչ զորավարժությունները երկրում իրականացվող կորոնավիրուսի դեմ պատվաստումները թողնեն իրենց ազդեցությունը։
Նշվում է, որ նման հսկայածավալ ռազմական մանևրի անցկացման նպատակը պատրաստ լինելն է երկրի վրա ցանկացած ռազմական հարձակման, այդ թվում նաև բոլոր ճակատներից:
Տաթև Ֆռանգյան
