20.05.2024 | 20:32
Սուրեն Պապիկյանը այցելել է մոդուլային շինությունների ձևաչափով կառուցված մշտական տեղակայման վայր
«Ինքը պատվեր ա կատարում». Սամվել Բաբայանը բացարկ ներկայացրեց մեղադրող դատախազին
Հասարակություն
22.01.2018 | 16:57
Վերաքննիչ քրեական դատարանում ընթանում է ԼՂՀ ՊԲ նախկին հրամանատար Սամվել Բաբայանի գործով նիստը: Նիստի մեկնարկին երկար քննարկումներից հետո դատարանը որոշեց լրագրողներին թույլատրել տեսանկարահանել նիստը:
Սամվել Բաբայանը նշեց, որ իր ինքնակենսագրական տվյալներում կան սխալներ. «Ես չորս հոդվածներով եմ դատվել, իսկ մնացած կոչումներից զրկվել, ամբողջը սուտ է»:
Ամբաստանյալներից Սանասար Գաբրիելյանը նշեց, որ ինքը պաշտպան չունի, դատարանի հարցին՝ դա կապված է նյութական միջոցների՞ հետ, ամբաստանյալը պատասխանեց՝ «Ոչ, ի՞նչ եմ արել, որ ինձ էլ պաշտպանեն»:
Սամվել Բաբայանը բացարկ ներկայացրեց մեղադրող դատախազ՝ Արամ Արամյանին՝ նշելով, որ մեղադրող դատախազը պատվեր է կատարում. «Ես դեմ եմ, որ պետական մեղադրողը ինքը լինի: Ինքը պատվեր ա կատարում»: Ամբաստանյալ Սանասար Գաբրիելյանն էլ ասաց. «Ես կամանդույուշչիին պաձեռժիվայու, ինքը պատվեր ա կատարում»:
Դատախազը նշեց, որ բացարկն անհիմն է, զուրկ է իրավական հիմնավորումներից: Դատարանը, սակայն, մերժեց բացարկի միջնորդությունը՝ այն համարելով անհիմն:
Հիշեցնենք, որ Առաջին ատյանի դատարանը Սամվել Բաբայանին մեղավոր էր ճանաչել և դատապարտել վեց տարվա ազատազրկման:
Լիլիթ Շաբոյան
