30.06.2026 | 22:34
Ուկրաինայում ռուսական ավիահարվածից ադրբեջանցի ուսանողուհի է մահացել. պատերազմից ի վեր ավելի քան 130 ադրբեջանցի է զոհվել
Ես շատ լավ կարող եմ իրականացնել անցումային կետերը. Մարուքյանը՝ վարչապետ աշխատելու մասին. ՏԵՍԱՆՅՈՒԹ
Քաղաքականություն
21.01.2021 | 13:46
«Ես շատ լավ կարող եմ իրականացնել անցումային կետերը»,- այս մասին խորհրդարանական ճեպազրույցի ժամանակ ասաց «Լուսավոր Հայաստան» խմբակցության ղեկավար Էդմոն Մարուքյանը՝ անդրադառնալով հարցին, թե կկարողանա արդյոք լավ վարչապետ աշխատել:
«Մենք հրապարակել ենք 14 կետերով ճանապարհային քարտեզ և ասել ենք, որ եթե կլինի կոնսենսուս, որ այդ կետերը մենք իրականացնենք, մենք պատրաստ ենք ստանձնել այդ բեռը: Բնականաբար որևէ քաղաքական գործիչ կամ ուժ չի կարող այդ բեռը միայնակ ստանձնել, պետք է լինի քաղաքական ուժերի կոնսենսուս և ներդրում այդ պրոցեսի մեջ, խոսքը անցումային, ազգային համաձայնության կառավարություն ձևավորելու մասին է, որի մեջ «Իմ քայլը» նույնպես պետք է ներառված լինի:
Այո՛, ես շատ լավ կարող եմ իրականացնել անցումային կետերը, ես չունեմ այրած կամուրջներ թե՛ ներսի, թե՛ դրսի քաղաքական ուժերի հետ, ամեն ջանք կգործադրեմ հանրային համերաշխությունը վերականգնելու համար, ու վստահ եմ, որ ինձ մոտ կստացվի: Այլ հարց է՝ այդ կոնսենսուսը կլինի, թե ոչ»,- նշեց Մարուքյանը:
Մանրամասները՝ տեսանյութում:
