25.04.2026 | 11:33
Հռոմում կայացել է Հայոց ցեղասպանության 111-րդ տարելիցին նվիրված միջոցառում
Այո՛, այս ծավալով գերիների վերադարձ չի եղել. Նազելի Բաղդասարյան. ՏԵՍԱՆՅՈՒԹ
Քաղաքականություն
21.01.2021 | 12:31
«Ինչպես բոլոր մնացած մտքերը, այնպես էլ գերիների վերադարձի մասին վարչապետի միտքը փորձում են համեմել այլ երանգներով»,- այս մասին ԱԺ-ում լրագրողների հետ հանդիպմանն ասաց իմքայլական պատգամավոր Նազելի Բաղդասարյանը:
Հիշեցնենք, երեկ խորհրդարանական հարցուպատասխանի ընթացքում վարչապետ Նիկոլ Փաշինյանը հայտարարեց, թե երբեք ավելի մեծ թվով գերիներ չեն վերադարձվել Հայաստան, քան վերադարձվել են նոյեմբերի 9-ից հետո։
«Այո՛, չենք ունեցել նման քանակությամբ գերիներ, և տրամաբանորեն է, որ այստեղ խոսքը գնում էր ոչ թե ծավալների մասին, այլ գործընթացի շարունակականության մասին։ Սա է շեշտադրումը, որ այո՛, այս ծավալով գերիների վերադարձ չի եղել», – ասաց Նազելի Բաղդասարյանը։
Նա նշեց, թե և՛ իրավական հարթակում, և՛ որոշակի քաղաքական պայմանավորվածությունների արդյունքում մեխանիզմներ կան, որոնց մասին չի բարձրաձայնվում. «Բայց ասեմ, որ գերի վերադարձման համար շարունակական գործընթաց է գնում»:
Հիշեցնենք, խորհրդարանական հարցուպատասխանի ընթացքում վարչապետ Նիկոլ Փաշինյանը հայտարարել էր, թե երբեք ավելի մեծ թվով գերիներ չեն վերադարձվել Հայաստան, քան վերադարձվել են նոյեմբերի 9-ից հետո։
