27.06.2026 | 11:04
ՍԴ-ն քննում է ընտրությունների արդյունքներն անվավեր ճանաչելու գործը․ ՈՒՂԻՂ
Եթե անգամ լինեն, ապա 1-2 հոգի կլինեն «Իմ քայլից», որ կողմ կքվեարկեն ընդդիմադիր վարչապետի թեկնածուին. Հրաչյա Հակոբյան. ՏԵՍԱՆՅՈՒԹ
Քաղաքականություն
20.01.2021 | 13:01
Արտահերթ ընտրությունների հարցով քննարկումները քաղաքական ուժերի հետ շարունակվում են, այս պահին չենք պատրաստվում շտապել այդ հարցում: Այս մասին խորհրդարանում լրագրողների հետ զրույցում նշեց ԱԺ «Իմ քայլը» խմբակցության պատգամավոր Հրաչյա Հակոբյանը՝ հավելելով, որ այս պահին իրենք չեն պատրաստվում ընտրությունների:
Անդրադառնալով հարցին, թե «Իմ քայլը» խմբակցությունում կա՞ն պատգմավորներ, որոնք վարչապետի հրաժարականի դեպքում կողմ կքվեարկեն Էդմոն Մարուքյանի թեկնածությանը վարչապետի պաշտոնում, Հրաչյա Հակոբյանը պատասխանեց. «Չեմ կարծում, որ մեր այսօրվա խմբակցությունում կան այդպիսի պատգամավորներ: Եթե անգամ լինեն, ապա շատ քիչ, որովհետև հիմա չեմ կարող բացառել ամեն ինչ: Ես հակված եմ մտածելու և ունեմ ներքին համոզմունք, որ չեն լինի այդպիսի պատգամավորներ, բայց անգամ եթե լինեն, ապա 1-2 հոգի»:
Նա չցանկացավ պատասխանել հարցին, թե արդյոք դավաճան համարում է «Իմ քայլից» դուրս եկած պատգամավորներին. «Թույլ տվեք չպատասխանեմ այդ հարցին, համենայնդեպս իրենց արած քայլը դրական չեմ բնորոշի, որովհետև տարբեր խոսակցություններ, քննարկումներ են եղել, իրենք էլ բազմիցս համարել են, որ իրենց ստացած քվեն իրենց քվեն չէ, իրենք չեն վաստակել այդ քվեն: Եվ այդ պարագայում գեղեցիկ չէ, ճիշտ չէ, որ ինչ-որ պահից փոխում է մոտեցումը»:
Նա հավելեց նաև, որ պատգամավորներին ուսապարկի հետ համեմատելով ձևակերպումներ անելը ճիշտ չի համարում:
Մանրամասները՝ տեսանյութում:
