01.11.2026 | 21:56
Լրագրողներն այցելել են բանակային դիրք ու ամրացված շրջան, հանդիպել Սուրեն Պապիկյանի հետ
Մարդու իրավունքների հանձնաժողովը կղեկավարի Անի Սամսոնյանը. «Իմ քայլը» որոշում է կայացրել. ՏԵՍԱՆՅՈՒԹ
Քաղաքականություն
20.01.2021 | 11:57
Ունենք որոշում, որ «Իմ քայլը» խմբակցությունը չի առաջադրի Մարդու իրավունքների և հանրային հարցերի մշտական հանձնաժողովի նախագահի թեկնածու: Այս մասին Factor.am-ի հետ զրույցում ասաց ԱԺ «Իմ քայլը» խմբակցության պատգամավոր Մարիա Կարապետյանը:
«Եթե ԲՀԿ-ն պատրաստակամություն կհայտնի քննարկելու իր կողմից նոր թեկնածու առաջադրելու հնարավորությունը, մենք պատրաստ ենք այդ քննարկմանը»,- նշեց պատգամավորը:
Անդրադառնալով դիտարկմանը, որ ԲՀԿ-ն արդեն հայտարարել է, որ չի առաջադրելու այդ հանձնաժողովի նախագահի նոր թեկնածու՝ Կարապետյանը նշեց. «Մենք այդ հնարավորությունը բաց ենք թողնելու, այս պահին հանձնաժողովը գլխավորում է հանձնաժողովի փոխնախագահը, և այդպես կշարունակվի, քանի դեռ ԲՀԿ-ն իր՝ ընդդիմադիրի պարտականությունները չի ցանկանա կատարել: Նախապես որոշում էր կայացվել, որ Մարդու իրավունքների հանձնաժողովը լավ կլինի,որ ղեկավարվի ընդդիմության կողմից»:
Մանրամասները՝ տեսանյութում:
