25.04.2026 | 13:10
Առաջիկա 5 օրերի եղանակային կանխատեսումը
ՊՆ-ն նախընտրել է գնումներ է կատարել «Պատրոն Դավոյին» պատկանող օֆշորային ընկերություններից՝ անորակ ժամկետնանց և մի քանի անգամ թանկ գներով․Արման Բաբաջանյան. ՏԵՍԱՆՅՈՒԹ
Քաղաքականություն
19.01.2021 | 17:36
Այսօր՝ հունվարի 19-ին, ԱԺ հայտարարությունների ժամին անկախ պատգամավոր Արման Բաբաջանյանը հայտարարեց, որ որպես «Հանուն Հանրապետության» կուսակցության ղեկավար մարմնի ներկայացուցիչ այսօր հանդիպել է Հայաստանում Գերմանիայի Դաշնության լիազոր և դեսպանի հետ, նախատեսված են հանդիպումներ Նիդեռլանդների, Լեհաստանի, ԵՄ անդամ այլ երկրների դեսպանների հետ. «Թեման իհարկե մեր գերիներն են, որոնց վերադարձը ապահովելու համար ցանկանում ենք ներգրավել մեր միջազգային գործընկերներին»: Նա հույս հայտնեց, որ Ռուսաստանը պետք է առաջինը շահագրգռված լինի. «Բայց եթե Մոսկվան անկարող է գերիների հարցը լուծել, ապա ինչպես է պատրաստվում տրանսպորտային ապաշրջափակման համալիր հարցերի լուծման երաշխավոր դառնալ: Երևանը պետք է հայտարարի, որ կարող է վերադառնալ մոսկովյան եռակողմ հայտարարության միայն այն պահին, երբ այս խնդիրը հիմնավորապես լուծված կլինի»:
Արման Բաբաջանյանի խոսքով՝ Պոպովի հոդվածը, Լավրովի հայտարարությունը մի բանի մասին էին՝ պատերազմի պատասխանատվությունը գցել հայկական կողմերի վրա. «Միայն թույլ Հայաստանին հնարավոր կլիներ պարտադրել այդպիսի նվաստացուցիչ փաստաթուղթ»:
Պատգամավորի դիտարկմամբ՝ մեր պարտությունը հնարավոր է եղել ՀՀ գերատեսչությունների հանցավոր անգործության և նաև հանցավոր գործունեության շնորհիվ: Բաբաջանյանն ընդգծեց, որ ուսումնասիրում է նամակագրությունը պաշտպանության նախկին նախարար Դավիթ Տոնոյանի, փոխնախարարների և Պատրոն Դավիթին պատկանող ընկերությունների ու ռուսական սպառազինություն արտադրող ընկերությունների միջև:
«Այդ նամակները բացահայտում են, որ ՀՀ ՊՆ-ն որակյալ և էժան սպառազինություն գնելու փոխարեն նախընտրել է Պատրոն Դավոյին պատկանող օֆշորային ընկերություններից գնել անորակ, ժամկետանց սպառազինություն՝ մի քանի անգամ թանկ գներով: Կարծում եմ՝ այս հարցը Պատրոն Դավոյով չի վերջանա, և որևէ մեկը իր բաժին պատասխանատվությունից չի կարող խուսափել»,- նշեց Բաբաջանյանը:
Մանրամասները՝ տեսանյութում:
