08.10.2026 | 22:59
14 ժամ ջուր չի լինի Արարատի մարզի մի շարք հասցեներում
Մի օր Սեյրան Օհանյանին գովել են, մի օր ասում են՝ վատն է. Մարուքյանը՝ Անդրանիկ Քոչարյանին. ՏԵՍԱՆՅՈՒԹ
Քաղաքականություն
19.01.2021 | 17:19
«Իշխանությունն այսօր չունի սկզբունքային դիրքրորոշում որևէ հարցի վերաբերյալ: Իրենց երբ պետք է լինում, նույն երևույթը համարում են վատը, երբ պետք չէ՝ լավը»,- այս մասին ԱԺ-ում լրագրողների հետ զրույցում ասաց «Լուսավոր Հայաստան» կուսակցության ղեկավար Էդմոն Մարուքյանը՝ հավելելով, որ ԼՀԿ-ից պատգամավորի դուրս գալը համարում են ողջունելի, իսկ «Իմ քայլից» դուրս գալը դավաճանություն:
«Գագիկ Ծառուկյանին էլ մեկ ասում էին խոշոր ձեռնարկատեր է, լավ մարդ է, հետը հուշագիր էին ստորագրում, մի օր եկել էին կալանավորելու: «Լուսավոր Հայասատնն էլ՝ մեկ լավն է, մեկ վատը: Իշխանության գործողություններում սկզբունքայնություն իզուր եք փնտրում»:
«Մի օր Սեյրան Օհանյանին գովել են, մի օր ասում են՝ վատն է»,- նշեց Մարուքյանը՝ անդրադառնալով «Իմ քայլը» խմբակցության պատգամավոր Անդրանիկ Քոչարյանի հայտարարությանը, որ Սեյրան Օհանյանը պետք է պարզաբանում տա, թե ինչ միջոցներով է կառուցել իր առանձնատունը:
«Սեյրան Օհանյանը և Անդրանիկ Քոչարյանը հին, հազար տարի իրար հետ հազար ձևի ճանապարհ անցած մարդիկ են, թող իրենք իրար մեջ հարցերը պարզեն»,- նշեց Մարուքյանը:
