14.01.2026 | 23:33
Կառավարությունը փոփոխություն է առաջարկում ավագանու անդամների հրաժարականի կարգում
Այո, թող թիմով հեռանան, այնպես չի, որ մեկը դեմ է. Էդմոն Մարուքյանը՝ Լենա Նազարյանին. ՏԵՍԱՆՅՈՒԹ
Քաղաքականություն
19.01.2021 | 16:19
«Մենք խորհրդարանական արտահերթ ընտրությունների պահանջ չենք ներկայացրել: Դա վարչապետի, իշխող ուժի օրակարգն է: Այս մասին ԱԺ-ում այսօր լրագրողների հետ զրույցում ասաց «Լուսավոր Հայաստան» խմբակցության ղեկավար Էդմոն Մարուքյանը։
Ի պատասխան իշխանության դիրքորոշման, որ ընդդիմությունը մտավախություն ունի արտահերթ ընտրություններով խորհրդարան չանցնելու՝ Մարուքյանը նշեց. «Լուսավոր Հայաստանը», ցանկացած պահի, ցանկացած իրավիճակում, գոնե որպես խորհրդարանական ուժ, պատրաստ է արտահերթ ընտրություններին կամ հերթական ընտրություններին: Երբ էլ խորհրդարանը ցրվի և արտահերթ ընտրություններ կազմակերպվեն, մենք պատրաստ ենք: Բայց խորհրդարանը ցրվելու մեկ մեխանիզմ կա. պետք է վարչապետը հրաժարական տա, խորհրդարանը երկու անգամ չընտրի վարչապետ, խորհրդարանը ցրվի, որից 40 օր հետո անցկացվեն խորհրդարանական արտահերթ ընտրություններ: Թող բեռը որևէ մեկի վրա չգցեն, հրաժարական տան»:
Մարուքյանի կարծիքով՝ ճգնաժամը իշխող քաղաքական ուժի մեջ է:
Անդրադառնալով դիտարկմանը, որ Լենա Նազարյանը հայտարարել է, թե չեն կարող կատարել ընդդիմության պահանջը, որ վարչապետը հրաժարական տա, եթե հեռանան, պետք է թիմով հեռանան, Մարուքյանը նշեց. «Ողջունում եմ այդ մոտեցումը: Այո՛, թող թիմով հեռանան, այնպես չէ, որ մեկը դեմ է: Իրենց թիմի բերած արհավիրքն է, որ այսօր տեղի է ունենում»:
