19.12.2025 | 20:15
Ով կանխիկ ունի. Factor TV-ն հաշվել է կառավարության անդամների փողերը. ՏԵՍԱՆՅՈՒԹ
Անանյանը քանի՞ գլխանի է եղել, որ չի եկել քննիչ հանձնաժողով․ սա պետք է կարգավորվի․ Բաբաջանյան. ՏԵՍԱՆՅՈՒԹ
Քաղաքականություն
19.01.2021 | 12:30
Ազգային ժողովում քննարկվում է մետաղական հանքարդյունաբերության հարցերով քննիչ հանձնաժողովի զեկույցը:
Անկախ պատգամավոր Արման Բաբաջանյանը նշեց, որ ԱԺ բոլոր պատգամավորները, այդ թվում նաև ընդդիմադիր, իշխանության մաս են. «Ուստի քննիչ հանձնաժողովի հաջողությունը պայմանավորել «Իմ քայլը» խմբակցության ղեկավարի հանգամանքով, կարծում եմ, ճիշտ չէ: Ձեր աշխատանքում հետևողականության պակաս եմ տեսնում. պետք է պարտադրեիք, որ անհրաժեշտ տեղեկությունները ձեզ տրամադրեին»:
«Հանձնաժողովի աշխատանքի լուսաբանման թերացում է տեսնում… Եթե մամուլը ձեզ հետ աշխատեր, ավելի հեշտ կլիներ «բերման ենթարկել» նրանց, ովքեր պարտավոր էին տեղեկություն տրամադրել»,- նշեց պատգամավորը: Նա նաև հետաքրքրվեց, թե հանձնաժողովի նպատակը 6 ամիս հետո գոնե մասամբ իրագործվե՞լ է:
Բագրատյանը արձագանքեց. «Եթե ՊԵԿ նախկին նախագահը չի եկել, ես ի՞նչ կարող էի անել»:
«Պարոն Բագրատյան, պատասխանատվությունը մի՛ բաշխեք. Անանյանն էլ չգիտեմ՝ քանի գլխանի է եղել, որ չի եկել քննիչ հանձնախումբ և չի պատասխանել կարևոր հարցերին»,- ասաց Բաբաջանյանը:
Մանրամասները՝ տեսանյութում:
