27.08.2026 | 18:58
«Ուժեղ Հայաստան»-ը դատապարտում է Ռոբերտ Քոչարյանի նկատմամբ քրեական հետապնդումը
ԲՀԿ-ն ու ԼՀԿ-ն դահլիճում չեն, շոու արեցին, բոցաշունչ ելույթներ ունեցան ու գնացին. Նազելի Բաղդասարյան. ՏԵՍԱՆՅՈՒԹ
Քաղաքականություն
18.01.2021 | 13:41
«ԲՀԿ-ի և ԼՀԿ-ի մեր գործընկերները նիստի 1-ին հատվածում շոուներ են անում, բոցաշունչ ելույթներ են անում և գնում են: Առաջին արարը ստացվեց»,- այս մասին ԱԺ նիստում հայտարարեց «Իմ քայլը» խմբակցության պատգամավոր Նազելի Բաղդասարյանը:
Պատգամավորն ընդդիմադիր խմբակցությունների իր գործընկերներին խորհուրդ տվեց չշահարկել Ադրբեջանում գտնվող հայ գերիների վերադարձի հարցը:
«Կարծում եմ, որ թեմաներ կան, որոնք չարժե շահարկել: Հասկանում եմ, որ գերիների զգայուն հարցը հիմա շատ մասսայական է դարձել, և կարելի անվերջ խոսել, շահարկել և այլն, բայց արդյոք այդ խոսելով մենք կարողանո՞ւմ ենք գործընթացին որևէ օգուտ տալ: Այս գիշեր ես և իմ գործընկերներն «Իմ քայլը» խմբակցությունից, վերադարձել ենք Արցախից, գնացել էինք մարդկանց լսելու ու աջակցելու: Գնացել էինք լսելու այն մարդկանց, որոնք այսօր ցավ ունեն՝ ոչ միայն գերեվարվածների, այլև անհայտ կորածների ծնողները: Խնդրում եմ, ծնողների անունից այդ թեմաներին անդրադառնալիս, օգտագործվող բառամթերքում լինել զգույշ»,- նշեց Բաղդասարյանը:
Մանրամասները՝ տեսանյութում:
