18.01.2026 | 21:30
Վահագն Խաչատուրյանն այցելել է Ժնևի Սուրբ Հակոբ եկեղեցի
Թիվ մեկ մեղավորը և թիվ մեկ պատասխանատուն Նիկոլ Փաշինյանն է. «Իմ քայլը» լքած պատգամավոր. ՏԵՍԱՆՅՈՒԹ
Քաղաքականություն
18.01.2021 | 13:32
ՀՀ ազգային ժողովի նոր պատգամավոր Աննա Գրիգորյանը, որը պատգամավորի լիազորությունները ստանձնելուն պես դուրս է եկել «Իմ քայլը» խմբակցությունից, չի ժխտում, որ Նիկոլ Փաշինյանի դերն ու նշանակությունը ընտրություններում հավաքած ձայների մասով կարևոր են եղել, սակայն շեշտում է, որ ձայների զգալի մասն իրեն տրվել է որպես անհատի: Գրիգորյանը նման տեսակետ հայտնեց խորհրդարանում լրագրողների հետ զրույցում՝ անդրադառնալով խմբակցությունից դուրս գալու իր որոշմանը:
Պատգամավորի խոսքով՝ 2018-ին ընդգրկված է եղել իշխող ուժի ցուցակում, բայց դրանից հետո որևէ քաղաքական համագործակցություն չի ունեցել թիմի հետ, ավելին՝ քաղաքականությամբ չի զբաղվել։
Գրիգորյանն ընդգծեց, որ տեղի ունեցածի և՛ թիվ մեկ պատասխանատուն, և՛ թիվ մեկ մեղավորը Նիկոլ Փաշինյանն է․«Ունենք նաև բազմաթիվ այլ մեղավորներ, 30 տարվա ընթացքում մենք բոլորս ունեցել ենք մեղավորություն, բայց թիվ մեկ մեղավորը և թիվ մեկ պատասխանատուն Նիկոլ Փաշինյանն է, ով անկարող է շարունակել բանակցությունները»։
Մանրամասները՝ տեսանյութում:
