19.01.2026 | 16:54
Իրանը դիտարկում է ինտերնետի արգելքի վերացումը․ երկրի պետական հեռուստատեսությունը հաքերային հարձակման է ենթարկվել
Ո՞վ է երաշխիք տալու, որ Սյունիքը մի երկու ժամվա ընթացքում չի կտրվի մայր հայրենիքից․Միքայել Մելքումյան. ՏԵՍԱՆՅՈՒԹ
Քաղաքականություն
18.01.2021 | 11:20
ԱԺ ԲՀԿ խմբակցության պատգամավոր Միքայել Մելքումյանը կարծում է, որ խորհրդարանի լիագումար նիստերի ներկայացված օրակարգը չի համապատասխանում այն խնդիրներին, որոնց բախվել է երկիրը, ժողովուրդը:
«Այն օրակարգը, որ դուք այսօր պետք է հաստատեք, չի համապատասխանում պահի լրջությանը և պահի թելադրանքին: Օրակարգը չի համապատասխանում այն խնդիրներին, որոնց այսօր բախվել են մեր երկիրն ու ժողովուրդը, հայտնվել ենք տարբեր տիպի անվտանգային, տնտեսական, ֆինանսական կոլապսի մեջ»,- ԱԺ նիստում նշեց Մելքումյանը:
Պատգամավորի խոսքով՝ եթե իշխանությունը չի հասկանում, թե ինչ է կատարվում, ապա պետք է հրաժարվի քաղաքական պատասխանատվությունից: Մելքումյանը նշեց, որ եղել է Սյունիքի Մեղրի, Կապան, Գորիս համայնքներում, Շուռնուխ և Որոտոն գյուղերում: Ըստ նրա, օրինակ, Գորիս-Կապան ճանապարհի հետ կապված անվտանգային խնդիրներ կան:
«Ո՞վ է երաշխիք տալու, որ Սյունիքը մի երկու ժամվա ընթացքում չի կտրվի մայր հայրենիքից»,- նշեց Մելքումյանը: Նրա կարծիքով, անհրաժեշտ է, որ ռուսաստանյան մի զորախումբ պետք է լինի Մեղրիում, մի զորախումբ՝ Սիսիանում:
Մանրամասները՝ տեսանյութում:
