Քաղաքացիները չարաշահումներ ու խախտումներ են հայտնաբերում, իսկ ՏՄՊՊՀ-ն չի «ֆիքսում»

Լուրեր

19.02.2018 | 18:00
Տարոն Մարգարյանը հանձնարարել է քաղաքապետարանում լրագրողների աշխատանքը կանոնակարգելու առաջարկություն ներկայացնել
19.02.2018 | 17:45
Հարձակում VTB բանկի վրա․ ուղիղ միացում
19.02.2018 | 17:36
Մեկնարկել է ՏՏ համաշխարհային համաժողովը. ավարտին Հայաստանը կվերցնի էստաֆետը
19.02.2018 | 17:21
Վստահել պետք է միայն ինքդ քեզ, սակայն դա էլ չի կարող պաշտպանել ողբերգական սխալներից. Արմեն Ջիգարխանյան
19.02.2018 | 17:06
Էթիկայի հանձնաժողովն ուսումնասիրում է քաղաքացու դիմումն ընդդեմ Վիգեն Սարգսյանի՝ «բոշան դու ես» արտահայտության համար. Ս.Սահակյան. Tert.am
19.02.2018 | 17:03
Զինված հարձակում VTB բանկի մասնաճյուղի վրա․ հափշտակվել է 7 միլիոն դրամ
19.02.2018 | 16:43
Հայ նոր քաղաքական դասը երկու խնդիր ունի լուծելու՝ վռնդել վատ այգեպանին ու բանիմաց այգեպան նշանակել. Ժիրայր Սեֆիլյան
19.02.2018 | 16:28
Ջանքերը պետք է ուղղված լինեն Արցախ-Ադրբեջան-Հայաստան եռակողմ բանակցությունների վերսկսմանը, այլ ոչ թե նոր բանակցային ճարտարապետության ստեղծմանը. Մասիս Մայիլյան
19.02.2018 | 16:13
Թուրքիայի ԶՈՒ-ի պաշտոնական տվյալները Աֆրինում քրդերի կորուստների մասին
19.02.2018 | 15:53
 Այլընտրանքային աշխատանքային ծառայողի՝ ծառայության վայրն ինքնակամ թողնելու վերաբերյալ ՀՀ Քրօրենսգրքի դրույթը փոփոխվում է. ՀՔԱՎ-ն առաջարկներ է ներկայացրել
19.02.2018 | 15:38
Երբ որևէ պետական մարմին  է սխալվում,  ես անգամ մի հատ գլխին կտցնելու կամ բլդուղ անելու հնարավորություն չունեմ. Սերգեյ Դանիելյան
19.02.2018 | 15:27
«Մեր մայրաքաղաքը կարմրել է»․ Մովսես Արիստակեսյանը՝ կարմիր գծանշումների մասին
19.02.2018 | 15:15
Ազատ ստեղծագործելու և արգելքների սահմանագծին․ հայաստանյան գրաքննության առանձնահատկությունները
19.02.2018 | 14:52
Մինչև 2022 թ. մենք պարտավոր ենք կիրառել համընդհանուր ներառական կրթություն. ԿԳ նախարար
19.02.2018 | 14:32
Հայաստանի տարածքում «քուրդ ահաբեկիչներ» չեն որոնվում և չեն հետապնդվում. ԱԱԾ. aysor.am
Բոլորը

Տոների ընթացքում քաղաքացիներն ահազանգում էին, որ տարբեր խանութներում ապրանքների գները «զեղչվում» են, սակայն իրականում դա խաբկանք է: Մամուլում տարբեր հրապարակումներ եղան, որ հին գնապիտակի վրա փակցվում է նոր «զեղչված» գինը, որը սակայն նույնն է, ինչ առաջ էր:

Կոնկրետ դեպքի հետ կապված՝ Factor.am-ը դիմել էր ՏՄՊՊՀ: Կառույցի մամուլի ծառայությունից մեզ ասել էին, որ կուսումնասիրեն այդ դեպքերը և խախտում իրականացրած անձիք, մեղքն ապացուցվելու դեպքում, կպատժվեն: Տոներն ավարտվեցին, սակայն ՏՄՊՊՀ մամուլի համար տոները ձգձգվում էին: Օրեր շարունակ փորձում էինք կապ հաստատել Հանձնաժողովի մամուլի ծառայության պատասխանատուների հետ, սակայն ապարդյուն:

Ի վերջո, հունվարի 11-ին գրավոր հարցում ուղարկեցինք, որի թերի պատասխանը ստացանք երեկ: Մենք հարցրել էինք, թե նախատոնական և հետտոնական շրջանում որքա՞ն և ի՞նչ բնույթի խախտումներ են հայտնաբերվել շուկայում։ Որո՞նք են եղել առավել մեծ խախտում իրականացրած խանութները կամ սուպերմարկետները և ի՞նչ պատիժ է կիրառվել նրանց նկատմամբ։ Քանի՞ շրջայց և ստուգում է արվել՝ դեկտեմբերից հունվար ընկած այս ժամանակահատվածում։

Մի քանի օր մտածելուց հետո, ՏՄՊՊՀ-ն տվեց հետևյալ պարզաբանումը՝ 2017 թվականի դեկտեմբերից մինչ այժմ Հանձնաժողովը «Երևան Սիթի», «Սաս», «Էվրիկա» և «Նոր Զովք» առևտրի կետերում օրական կտրվածքով անցկացրել է դիտարկումներ՝ մի շարք առաջին անհրաժեշտության ապրանքատեսակների իրացման գների վերաբերյալ»:

ՏՄՊՊՀ-ն նաև տեղեկացնում է, որ էլեկտրատեխնիկայի, հագուստի, կոսմետիկ պարագաների և օծանելիքի ոլորտներում գործող առևտրի կետերում իրականացվել է 9 դիտանցում և 6 հսկիչ գնում, որոնց արդյունքներն ուսումնասիրվում են: Իսկ խախտումների և պատիժների մասին՝ ոչ մի խոսք:

Մինիչդեռ հիշեցնենք՝ ՏՄՊՊՀ-ին տոներից առաջ, կառավարության նիստում վարչապետ Կարեն Կարապետյանը հանձնարարել էր տոների ընթացաքում խստացնել շուկայի վերահսկողությունը. «Ամանորի առևտրի շրջանում մի քանի անգամ ավելանում է որոշակի ապրանքների պահանջարկը, ինչն իր մեջ պարունակում է գների անհիմն բարձրացման ռիսկեր։ Հաշվի առնելով սա և հանրության շրջանում առկա մտահոգությունները՝ հանձնարարում եմ ՏՄՊՊՀ նախագահին Ամանորին ընդառաջ խստացնել վերահսկողությունը»,- ասել էր նա։

Տոներից հետո էլ, թանկացումների ֆոնին, հանձնարարական էր տվել նաև Սերժ Սարգսյանը: Նա նշել էր, որ պատասխանատուներից ակնկալում է, պահպանելով մրցակցության պայմանները, իրականացնել առանձին ապրանքների գների բարձրացման ամենախիստ մշտադիտարկում: Նա նշել էր, որ բազմաթիվ լծակներ կան` պարզելու, թե շուկաներում տատանումներն իրոք օբյեկտիվ գործընթացների արդյունք են, թե տնտեսավարողների ագահության պատճառ: ՏՄՊՊՀ նախագահ Արտակ Շաբոյանն էլ, հունվարի 16-ին լրագրողների հետ զրույցում, հայտարարել էր, որ այդ պահի դրությամբ չարաշահման երևույթներ չեն ֆիքսել»: Ստացվում է, որ քաղաքացիներն ու անհատները կարողանում են ֆիքսել թանկացումներն ու խախտումները, իսկ ՏՄՊՊՀ-ին դա չի հաջողվում: