13.06.2026 | 13:18
«էն փողը տվի՞ր», «Չէ, հեսա կտամ ապո, տալով ման եմ գալի»․ ՀԿԿ-ն ընտրակաշառքի մասին գաղտնալսում է հրապարակել․ ՏԵՍԱՆՅՈՒԹ
Հայաստանն ու Ադրբեջանը համաձայնել են ԵԱՀԿ նախագահի անձնական ներկայացուցչի գրասենյակի լիազորությունների ընդլայնմանը. հայտարարություն
Քաղաքականություն
19.01.2018 | 10:44
ԵԱՀԿ Մինսկի խմբի համանախագահները Հայաստանին ու Ադրբեջանին կոչ են արել կողմերի միջև վստահության ամրապնդման ձեռնարկված միջոցառումներն ի կատար ածել: Այս մասին համանախագահները հայտարարություն են տարածել ԼՂ հակամարտության կարգավորման հարցով Կրակովում տեղի ունեցած հանդիպիպումից հետո. տեղեկացնում է ԵԱՀԿ պաշտոնական կայքը:
Հիշեցնենք, որ հունվարի 18-ին Կրակովում հանդիպել են Հայաստանի և Ադրբեջանի արտաքին քաղաքական գերատեսչությունների ղեկավարներ Էդվարդ Նալբանդյանն ու Էլմար Մամեդյարովը:
Փաստաթղթում նշվում է, որ ԵԱՀԿ Մինսկի խմբի համանախագահներ Իգոր Պոպովը, Ստեֆան Վիսկոնտին, Էնդրյու Շոֆերը ԵԱՀԿ գործող նախագահի անձնական ներկայացուցիչ Անջեյ Կասպրշիկի հետ միասին հունվարի 17-ին հանդիպել են ՀՀ արտգործնախարար Էդվարդ Նալբանդյանի հետ, իսկ հունվարի 18-ին՝ Ադրբեջանի արտգործնախարար Էլմար Մամեդյարովի հետ: Ապա հունվարի 18-ին համանախագահները համատեղ հանդիպում են անցկացրել երկու արտգործնախարարների հետ:
«Նախարարներն ու համանախագահները քննարկել են ԼՂ հակամարտության կարգավորման՝ նախորդ գագաթնաժողովներին ձեռք բերված համաձայնությունների իրականացմանը նպաստելու համար անհրաժեշտ հետագա քայլերը: Արտգործնախարարները սկզբունքորեն համաձայնել են ԵԱՀԿ գործող նախագահի անձնական ներկայացուցչի գրասենյակի լիազորությունների ընդլայնումն իրականացնելու հարցով համանախագահների վերանայված հայեցակարգային փաստաթղթին՝ այն հնարավորինս շուտ ավարտին հասցնելու մտադրությամբ»,- ասված է հայտարարությունում:
