26.03.2026 | 21:51
Իրանն ամրապնդում է Խարգ կղզու պաշտպանությունը՝ ԱՄՆ-ի հնարավոր ցամաքային գործողությունից մտահոգության ֆոնին. CNN
Միջազգային ճնշման հետևանքով ռազմագերիների խնդրում կունենանք շոշափելի արդյունք. Արման Եղոյան. ՏԵՍԱՆՅՈՒԹ
Քաղաքականություն
12.01.2021 | 16:02
«Շոշափելի արդյունք լինելու կամ չլինելու հանգամանքը կարելի է գնահատել՝ միայն հաշվի առնելով մյուս կողմի պահանջները: Եթե համարում ենք, որ Հայաստանի համար արդյունք չեղավ, նույն հաջողությամբ կարող ենք ասել, որ Ադրբեջանի համար էլ արդյունք չեղավ, քանի որ եռակողմ հանդիպման արդյունքում Հայաստանն ու Ադրբեջանը ստացան նույն բանը: Այս մասին ԱԺ-ում Factor.am-ի հետ ճեպազրույցում ասաց «Իմ քայլը» խմբակցության պատգամավոր Արման Եղոյանը՝ անդրադառնալով դիտարկմանը, որ երեկ Մոսկվայում կայացած Պուտին- Փաշինյան- Ալիև եռակողմ հանդիպման ավարտին մեր երկրի համար շոշափելի արդունքներ չգրանցվեցին:
Դիտարկմանը, որ նոյեմբերի 9-ի հայտարարության 8-րդ դրույթը չի իրականացվում, Եղոյանն արձագանքեց, որ թեև երեկվա հայտրարաության մեջ գերիների հարցին անդրադարձ չկա, բայց այդ մասին խոսել է թե՛ ՌԴ նախագահ Պուտինը, թե՛ ՀՀ վարչապետը:
Պատգամավորի խոսքով՝ գերիների հարցը պետք է լուծվի միջազգային իրավական նորմերի համաձայն, դա քաղաքական քննարկման հարց չէ:
«Եռակողմ բանակցությունները 3.5 ժամ են տևել, և տրամաբանական է, որ քննարկվել են նաև այլ թեմաներ, այդ թվում՝ գերիների հարցը: Կարծում եմ՝ միջազգային ճնշման միջոցով մեզ կհաջողվի ռազմագերիների հարցում ունենալ շոշափելի արդյունք»:
Մանրամասները՝ տեսանյութում:
