01.11.2026 | 21:56
Լրագրողներն այցելել են բանակային դիրք ու ամրացված շրջան, հանդիպել Սուրեն Պապիկյանի հետ
Եթե Թուրքիայի շահերը անտեսվեն, նա կփորձի ականահարել որևէ առաջընթաց․ Թաթուլ Հակոբյան. ՏԵՍԱՆՅՈՒԹ
Քաղաքականություն
12.01.2021 | 15:07
Եթե Թուրքիայի շահերը անտեսվեն, նա կփորձի ականահարել որևէ առաջընթաց: Շատ բան պայմանավորված է լինելու ռուս-թուրքական հարաբերություններով: «Փաշինյան-Պուտին-Ալիև առաջին հանդիպումը 44-օրյա պատերազմից հետո» թեմայով քննարկման ժամանակ այս կարծիքը հայտնեց քաղաքական մեկնաբան Թաթուլ Հակոբյանը:
Նրա դիտարկմամբ՝ այժմ Հայաստանը թույլ, անօգնական վիճակում հայտնված երկիր է, մենակ է մնացել և շատ բան չի կարող անել: «Եթե ուզում ենք, որ Հայաստանը վերականգնի իր ինքնիշխանությունն ու անկախությունը, ապա քանի դեռ հայ-թուրքական սահմանը փակ է, քանի դեռ Հայաստան-Ադրբեջան հարաբերություններ չկան, չենք հասնելու անկախության և ինքնիշխանության: Եվ ուրեմն հայ-թուրքական հարաբերությունների հաստատումը երկարաժամկետ կտրվածքով ավելի օգտակար կլինի, քան թե դրանց չլինելը: Փակ սահմաններով Հայաստան, նշանակում է ուղղակիորեն անվտագությունը տալ մեկ այլ երկրի, և նա քեզ հետ կվարվի այնպես, ինչպես կբխի իր շահերից: Անգամ այս ցավալի պարտությունից հետո ես հայ-թուրքական հարաբերությունները համարում եմ օգտակար»,- նշեց Հակոբյանը:
Մանրամասները՝ տեսանյութում:
