26.03.2026 | 21:51
Իրանն ամրապնդում է Խարգ կղզու պաշտպանությունը՝ ԱՄՆ-ի հնարավոր ցամաքային գործողությունից մտահոգության ֆոնին. CNN
Դժոխքից անգամ ելք կա, կարևորը ցանկությունն է․ Թաթուլ Հակոբյանը՝ ստեղծված իրավիճակի մասին. ՏԵՍԱՆՅՈՒԹ
Քաղաքականություն
12.01.2021 | 14:22
«Փաշինյան-Պուտին-Ալիև առաջին հանդիպումը 44-օրյա պատերազմից հետո» թեմայով քննարկման ժամանակ քաղաքական մեկնաբան Թաթուլ Հակոբյանը, անդրադառնալով տնտեսական ապաշրջափակման վերաբերյալ հայտարարության ստորագրմանն ու Բաքվում հայ գերիների վերադարձի խնդիրը չլուծելուն, հիշեց 100 տարի առաջ տեղի ունեցած դեպքերը, որից «դասեր չքաղեցինք»։
«Գալով հարցին, թե ինչու այդպես տեղի ունեցավ Մոսկվայում, նշեմ՝ մի պարզ պատճառով՝ երբ դու կապիտուլյացիա ես ստորագրում, դու այլևս չես բանակցում։ Ո՞վ է տեսել աշխարհում կապիտուլացված կողմը բանակցի։ Քո դեմը թուղթ են դնում, կարող ես ջղաձգումներ ունենալ, բայց ստորագրում ես։ Այս ողբերգական իրավիճակում հայտնվել է հայ ժողովուրդը իր ընտրած առաջնորդ Նիկոլ Փաշինյանի գլխավորությամբ»,- ասաց Թաթոըլ Հակոբյանը՝ հավելելով, որ գերիների վերադարձի վերաբերյալ չստացվեց հաջողության հասնել, քանի որ Ալիևը ցանկանում է ստանալ ամեն ինչ։
«Սա զրո վերջնարդյունքով խաղ է, որին ծանոթ ենք 94-ից, երբ խաղն ավարտվեց մեր հաղթանակով, և Ադրբեջանը կարողացավ հասնել ռևանշի: Սա է իրականությունը։ Այս իրավիճակից դուրս գալու համար քայլեր կան անելու, դժոխքից անգամ ելք կա, բայց պետք է ցանկություն ունենալ: Առաջինը, պետք է Նիկոլ Փաշինյանը հեռանա, ձևավորվի նոր իշխանություն, նոր բանակցողներ պետք է լինեն և պետք է փորձ արվի Ադրբեջանի ու Ռուսաստանի հետ որոշակի համաձայնությունների հասնել առաջիկա տասը տարիների համար»,- ասաց Հակոբյանը։
Նրա դիտարկմամբ՝ Հայաստանի մեջքը ջարդվել է, պետք է այստեղ կարողանանք լավ աշխատել ու խաղաղությունը օգտագործել, զրո վերջնարդյունքով խաղը փոխել։
«Պետք է փոխել այդ խաղը, եթե միջնորդ պետությունն ու Ադրբեջանը շարունակեն իրենց պահել այնպես, ինչպես իրեն պահում էր տավուշյան արկածախնդրությունից հետո Նիկոլ Փաշինյանը՝ ստորացնելով Իլհամ Ալիևին, որի դեմքին երեկ չէր կարողանում նայել»,- նշեց Թաթուլ Հակոբյանը։
Մանրամասները՝ տեսանյութում:
