02.11.2026 | 11:44
Օլեշկիում ավարտվել է հրադադարի ռեժիմը․ Մելանյա Թրամփը հայտնել է 800 մարդու տարհանման մասին
ՔՊ խոսնակը փոխաբերական իմաստով է ասել՝ ուսապարկ լիներ, ավելի բարձր տեղ կզբաղեցներ. Սարուխանյան. ՏԵՍԱՆՅՈՒԹ
Քաղաքականություն
12.01.2021 | 13:09
«Գերիների հարցով ամեն կերպ բանակցություններ ընթանում են: Իմ կարծիքով՝ այդ խնդրի լուծումը մի փոքր ժամանակի հարց է: Այս մասին Factor.am-ի հետ զրույցում ասաց «Իմ քայլը» խմբակցության պատգամավոր Կարեն Սարուխանյանը: Նրա խոսքով՝ ամեն ինչ արվում է, որ գերիները վերադարձվեն:
«Այսօր նախատեսված է Շիրակի մարզից 62 գերիների ծնողների հանդիպումը վարչապետի հետ, ինչ հավելյալ ինֆորմացիա որ կա, նրանց կհաղորդվի»,- նշեց Սարուխանյանը:
Պատգամավորը նշեց, որ չի կիսում ընդդիմության կարծիքը, թե Փաշինյանը պետք է հրաժարական տա, և հավելեց, որ նա պետք է շարունակի աշխատել, քանի որ լեգիտիմ վարչապետ է և ժողովուրդն է այդպես ցանկանում ու ամուր կանգնած է նրա կողքին: «Իսկ ընդդիմությունը մեղադրում է հող հանձնելու մեջ, բայց ստեղծված իրավիճակում այլ տարբերակ չի առաջարկում: Բացի դրանից՝ ընդդիմությունը չունի ժողովրդի աջակցությունը»: Պատգամավորը կարծիք հայտնեց, որ իշխանությունը կարող է ձևավորվել միայն ընտրություններով:
Սարուխանյանն անդրադառնալով «Իմ քայլը» լքող պատգամավորների վերաբերյալ «Քաղաքացիական Պայմանագրի» խոսնակի արտահայտությանը՝ նշեց, որ ՔՊ խոսնակը փոխաբերական իմաստով է ասել՝ ուսապարկ լիներ, ավելի բարձր տեղ կզբաղեցներ, քան այդ պատգամավորները: «Դա կոպիտ է հնչել, բայց նրա ասածի տրամաբանությունն այն է եղել, որ ժողովուրդը «Իմ քայլին» ձայն է տվել որպես մեկ մանդատ»:
Մանրամասները՝ տեսանյութում:
