30.03.2025 | 20:00
Ինչու՞ էին սա անում 2003-ին` գիտեմ, ինչու՞ են անում 2025` մոտիվացիան չգիտեմ. Իոաննիսյան․ ՏԵՍԱՆՅՈՒԹ
ԵՐԵՎԱՆԻ ԺԱՄԱՆԱԿՈՎ. Դա բացթողում չէ, այլ երկրի անվտանգության տոտալ տապալում. Գինոսյանը՝ Փաշինյանին. ՏԵՍԱՆՅՈՒԹ
Քաղաքականություն
30.12.2020 | 19:02
«Դա բացթողում չէ, այլ երկրի անվտանգության տոտալ տապալում: Բացթողումներ կարող են լինել մանր-մունր զանցանքները: Երկրի անվտանգությունը տոտալ տապալման է ենթարկվել, դրա մասին երկուսուկես տարի բացարձակ չի խոսվել, չի ասվել, որ պատրաստ չենք պատերազմի»,- Factor.am-ի հետ զրույցում նման տեսակետ է հայտնում «Կարին» ավանդական երգի-պարի խմբի գեղարվեստական ղեկավար Գագիկ Գինոսյանը՝ անդրադառնալով ՀՀ վարչապետ Նիկոլ Փաշինյանի այն պնդմանը, թե իրենց մեծագույն բացթողումն այն է, որ երկուսուկես տարվա ընթացքում չեն հասցրել բավարար չափով թալանված գումարներ հետ բերել և պատշաճ պատրաստվել պատերազմին:
«Իսկ ընդհանրապես, գումարներ հետ բերվե՞լ են, որքա՞ն է հետ բերվել, որքա՞ն էր պետք բանակին, որ չբավարարեց: Իշխանությունը ե՞րբ կսովորի հաշվետու լինել՝ ինչ է արել, ումից պետք է գումար հետ բերեր… Կարծում եմ՝ եթե անգամ այդ գումարները հետ բերած լինեինք և, իրենց պատկերացմամբ, բանակը զինած լինեինք, ինչին ես չեմ հավատում, ակնհայտ է, որ նման դավաճանական մոտեցման և ինֆորմացիայի արտահոսքի պարագայում հնարավոր է՝ դա ոչինչ չփոխեր պատերազմի մեջ…»:
Գագիկ Գինոսյանի համոզմամբ՝ պետք է ձևավորել համաձայնության կառավարություն՝ ազգային գիտակցություն ունեցող, քաղաքականապես չպղծված մարդկանցով, որոնք ո՛չ ներկայիս, ո՛չ էլ նախորդ իշխանության մաս կազմած չեն լինի։
«Այդ կառավարության կազմում պետք է լինեն ազգային նկարագրով, հանրության մեջ ճանաչում վայելող անձինք, որոնք իրենց լուրջ, անեղծ կենսագրությամբ ապացուցել են, որ որևէ կուսակցության, քաղաքական հոսանքի, իշխանության մաս չեն կազմել: Այդ մարդկանց պետք է տրվի արտաքին հարցերում կառավարության որոշումների վրա վետո դնելու լիազորություն: Այդ կառավարությունը կնպաստի քաղաքական նոր դաշտի ստեղծմանը, քաղաքական խմորումների շնորհիվ նոր ուժեր կձևավորվեն»,- ասաց Գագիկ Գինոսյանը:
Մանրամասները՝ տեսանյութում:
Աննա Բաբաջանյան
