03.07.2026 | 16:34
Կապակցվածությունը կարող է օգնել Հարավային Կովկասում կայուն խաղաղության ապահովմանը․ Մարթա Կոս
Վազգեն Մանուկյանը 96-ի բարդույթից հետո չի կարողանում նոր իրողությունների հետ համակերպվել. Ալեն Սիմոնյան. ՏԵՍԱՆՅՈՒԹ
Քաղաքականություն
29.12.2020 | 15:50
«Երեք պատասխան ունեմ»,- այսօր՝ դեկտեմբերի 29-ին, ԱԺ-ում լրագրողների հետ զրույցում նշեց ԱԺ փոխնախագահ Ալեն Սիմոնյանը՝ անդրադառնալով դիտարկմանը, որ «Հայրենիքի փրկության շարժման» վարչապետի թեկնածու Վազգեն Մանուկյանը հայտարարել է, որ եթե հիմա լինի ընտրություն արյուն է թափվելու ամեն մի քվեատուփի մոտ, և հարցին, թե արդյոք իշխանությունը կարող է կազմակերպել անվտանգ ընտրություններ:
«Առաջինը, որ այո, իշխանությունն ի վիճակի է այսօր իրականացնել ընտրություններ: Երկրորդ, ես կարծում եմ՝ Վազգեն Մանուկյանը 1996-ի բարդույթից հետո չի կարողանում նոր իրողությունների հետ համակերպվել, և իր գնահատականները մնացել են 1996-ին: Եթե պարոն Մանուկյանը տեղեկություն ունի կամ ինքը պատրաստվում է արյունահեղություն պատրաստել, դա այլ խոսակցություն է: Ես համարում եմ, որ նման հայտրարություն անելը շատ բացասական երևույթ է, որովհետև եթե նույնիսկ դու նման բան չես նախապատրաստում, դա դրդում, հրահրում է նման տրամադրությունների: Մի խողմից խոսում են իրավիճակը հանդարտեցնելու մասին, մյուս կողմից հրահրում են»:
Ալեն Սիմոնյանն անդրադարձավ պնդմանը, թե այս իրավիճակում իշխանությունը չի կարող քարոզարշավ անել, ԱԺ փոխխոսնակն ասաց. «Դա ասված է իրավիճակը մաքսիմալ իրենց կողմը շրջելու համար: Մենք ամեն տեղ էլ կարող ենք քարոզարշավ անել»:
Նրա դիտարկմամբ՝ իշխանության նկատմամբ հանրության վերաբերմունքը փոխվել է, բայց անշնորհակալ գործ է վարկանիշի չափի մասին խոսելը:
Մանրամասները՝ տեսանյութում:
