18.11.2024 | 22:30
Ադրբեջանի նավթագազային եկամուտները կնվազեն ավելի քան 441 մլն դոլարով․ ֆինանսների նախարար
Նաիրա Զոհրաբյանը չի կարող լինել մի հանձնաժողովի նախագահ, որի գործունեության առանցքը մարդու իրավունքների պաշտպանությունն է․ Արթուր Հովհաննիսյան. ՏԵՍԱՆՅՈՒԹ
Քաղաքականություն
29.12.2020 | 11:27
Ազգային ժողովում շարունակվում է արտահերթ նիստը: Այժմ քննարկվում է Նաիրա Զոհրաբյանին որպես մարդու իրավունքների պաշտպանության և հանրային հարցերի մշտական հանձնաժողովի նախագահի լիազորությունների դադարեցման մասին ԱԺ որոշման նախագիծը:
«Իմ քայլի» պատգամավոր Արթուր Հովհաննիսյանն իր ելույթում ընդգծեց, որ որպես մարդու իրավունքների պաշտպանության և հանրային հարցերի մշտական հանձնաժողովի նախագահի՝ Նաիրա Զոհրաբյանի հետագա պաշտոնավարումը անհնարին է:
Պատգամավորը ներկայացրեց, թե Նաիրա Զոհրաբյանը ինչպիսի գրառումներ է կատարել Ֆեյսբուք սոցիալական ցանցում. «Նրա գրառումներից պարզ է դառնում, որ նա մարդու անօտարելի արժանապատվությունը ոտնահարող, նվաստացնող հայտարարություններ է արել և դասակարգել մարդկանց: Հովհաննիսյանը` նկատի ուներ նաև ժողովրդին ժեխ անվանելը: Պատգամավորի դիտարկմամբ՝ Նաիրա Զոհրաբյանի արտահայտությունները հակասահմանադրական են:
«Նաիրա Զոհրաբյանը չի կարող լինել մի հանձնաժողովի նախագահ, որի գործունության առանցքը մարդու իրավունքների պաշտպանությունն է»,- ընդգծեց Հովհաննիսյանը՝ հավելելով, որ հանձնաժողովի նախագահի պաշտոնում Նաիրա Զոհրաբյանի լիազորությունների դադարեցման մասին որոշում կայացնելով՝ ԱԺ-ն ուղերձ կհղի ՀՀ քաղաքացիներին մարդու իրավունքների և արժանապատվության նկատմամբ նսեմացնող խոսքի անթույլատրելիության և դրա նկատմամբ ԱԺ-ի անհանդուրժողական դիրքորոշման մասին:
Մանրամասները՝ տեսանյութում:
